16/06/2025
545 جار خوێنراوەتەوە
سوپای عێراق سیستمی بەرگریی لە هەندێك ناوچەی هەستیار چالاك كرد
پەیام
سیستمی بەرگری ئاسمانی لەلایەن سوپای عێراقەوە لە چەند ناوچەیەكی هەستیار جێگیر كرا و وەزیری بەرگریش ڕایگەیاند بۆ پاراستنی سەروەری خاكی عێراقە.
فەرماندەی بەرگری ئاسمانی لیوا موهەند غالب ئەسەدی ئاشكرای كرد، هێزە چەكدارەكان سیستەمی بەرگری ئاسمانی ڕۆڵی سروشتی خۆیان بۆ پاراستنی عێراق و ئاسمانی عێراق و ئامانجە گرنگەكان دەگێڕن.
ئەسەدی ڕاگەیاندووە، "سیستەمی بەرگری ئاسمانی هەندێك جار وەك بەشێك لە ڕێكارە ئاسایی و ڕۆتینییەكان بۆ پاراستنی هەموو ئامانجە گرنگەكانی عێراق چالاك دەكرێت، ئەوەش لەو چوارچێوەدایە".
هاوكات سابت محەمەد عەباسی وەزیری بەرگری عێراق ڕایگەیاند: سیستمی بەرگریی ئاسمانی پانتسێر لە ناوچە هەستیارەكانی عێراق چالاك كراون.
عەباسی ئاشكرای كرد، كە ئامانج لە چالاكردنی بەرگری ئاسمانی بۆ پاراستنی سەروەری خاكی عێراقە.
لە تۆڕە کۆمەڵایەتیەکان شەیری بکە