7 کاتژمێر پێش ئێستا
127 جار خوێنراوەتەوە
سوپای ئێران هەڵدانی دەیان درۆنی بۆ ئیسرائیل ڕاگەیاند
پەیام
لە ڕاگەیەنراوێكیدا، سوپای كۆماری ئیسلامیی ئێران بڵاویكردووەتەوە "قۆناغی حەوتەم و هەشتەمی هەڵدانی دەیان درۆنی كۆماری ئیسلامی بە ئاڕاستەی خاكی داگیركەری قەوارەی زایۆنی ئەنجام داوە".
سوپای ئێران ئاماژەی بەوەیش كردووە "لە 24 كاتژمێری ڕابردوودا قۆناغەكانی حەوتەم و هەشتەمی هەڵدانی درۆنەكانیان ئەنجام داوە و دەیان فڕۆكەی بێفڕۆكەوانی ئێرانییان ئاڕاستەی خاكی قەوارەی زایۆنی كردووە و بەپێی ئەو زانیارییانەیش كە بەدەستیان گەیشتووە بەشێكی زۆری درۆنەكان ئامانجەكانیان پێكاوە".
لای خۆیەوە سوپای قەوارەی زایۆنی ڕایگەیاند: شەوی ڕابردوو توانیویانە بەرپەرچی 40 فڕۆكەی بێفڕۆكەوانی ئێرانی بدەنەوە.
سوپای زایۆنی ڕایشیگەیاند: لە سەرەتای جەنگەوە بەرپەرچی 470 فڕۆكەی بێفڕۆكەوانی ئێرانییمان داوەتەوە.
وتەبێژی سوپای زایۆنییش ڕایگەیاند: ڕووبەڕووی یەكێك لە هەر جەنگە ئاڵۆزەكان بووینەتەوە.
لە تۆڕە کۆمەڵایەتیەکان شەیری بکە