5 کاتژمێر پێش ئێستا
90 جار خوێنراوەتەوە
ئێران.. ڕێوڕەسمی بەخاكسپاردنی فەرماندەی سەربازی و زانا ئەتۆمییەكان بەڕێوەدەچێت
پەیام
ئەمڕۆ لە ئێران بەخاكسپاردنی دەیان فەرماندە و زانای ئەتۆمی كە لە جەنگی قەوارەی زایۆنیدا كوژراون، بەڕێوە دەچێت.
بەپێی میدیاكانی ئێران ڕێوڕەسمەكە بە ناونیشانی "ڕێزگرتنە لە شەهیدان" و تیایدا ئاڵای ئێران و وێنەی ئەو فەرماند و زانا ئەتۆمییانە بەرز كراوەتەوە كە لە جەنگی 12 ڕۆژەی نێوان ئێران و قەوارەی زایۆنیدا كوژراون.
بەپێی ئەوەی ڕاگەیەنراوە "مەڕاسیمەكە بۆ 60 كەس لە فەرماندە سەربازییەكان و زانایانی ئەتۆمی ڕێك خراوە".
لای خۆیەوە سوپای پاسدارانی ئێران دەڵێت: ئەم ڕێپێوانە جەماوەرییە بە بەشداریی فراوانی گەلانی ئێران بەڕێوە دەچێت. هەروەها دەستەی ڕادیۆ و تەلەفزیۆنی ئێران ڕایگەیاندووە ئەمڕۆ شەممە "ڕۆژی ماتەمینیی نیشتیمانییە".
شەوی ڕابردوو سوپای ئێران ڕایگەیاند: لە میانەی جەنگی 12 ڕۆژە لەگەڵ قەوارەی زایۆنی 56 ئەفسەر و ئەندامی كوژراوە.
جێی باسە ڕۆژی 13ی ئەم مانگە قەوارەی زایۆنی هێرشی كردە سەر ئێران و سەدان كەسی كوشت و هەزارانی دیكەی بریندار كرد.
بە پێی ئامارە فەرمییەكانیش زیاتر لە 20 كەسیان فەرماندەی باڵای سەربازی بوون و بەشێكیان لەناو ماڵەكانی خۆیاندا كوژراون.
لە تۆڕە کۆمەڵایەتیەکان شەیری بکە