پاش 90 رۆژ گەڕان، كۆتا هەڵمەت بۆ دۆزینەوەی تەرمی ئاڤێستا بەڕێوە دەچێت

پەیام

پاش 90 رۆژ گەڕان، ئەمڕۆ وەك كۆتا هەوڵ بۆ دۆزینەوەی، بەرگریی شارستانیی سۆران هەڵمەتێكی گەڕان و پشكنینی بۆ تەرمی ئاڤێستای تەمەن 27 ساڵ ئەنجام دەدەن كە لە 5/4/2025ەوە كەوتووەتە ناو ئاوی زێی گەورە لە مێرگەسوور و تاكو ئێستا تەرمەكەی نەدۆزراوەتەوە.

لە ڕاگەیەنراوێكیدا بەڕێوەبەرایەتی بەرگری شارستانی ئیدارەی سۆران بڵاوی كردووەتەوە كە ئەمڕۆ 5/7/2025، و كۆتا رۆژی مانگی سێیەم لە كارەكانیان بۆ دۆزینەوەی تەرمەكەی، هەلمەتێكی گشتگیر بۆ دۆزینەوەی تەرمی مامۆستا ئاڤێستا ئەنجام دەدەن.

بەرگریی شارستانی سۆران ئاماژەی بەوە كردووە كە هەڵمەتەكە بە بەشداری 100 كارمەند و ئەفسەر كە دابەش كراون بۆ (20) تیم گەران بەڕێوە دەچێت و تەواوی توانا مرۆیی و ئامێر و كەرەستەكانیان بەكارخراون.

 ئەم هەلمەتە دەبێتە دواهەمین رۆژی گەرانیان و ئەگەر نەتوانرا بدۆزرێتەوە بە شێوەیەكی فەرمی ئەم كەیسە دادەخەین و كۆتای دەهێنین بە گەران و پشكنینەكانمان.