2 کاتژمێر پێش ئێستا
35 جار خوێنراوەتەوە
كەركووك.. دەرچووانی كۆلێژی دەرمانسازی بۆ دامەزراندن ڕژانە سەر شەقام
پەیام
دەرچووانی دەرمانسازی لە كەركووك دژی دانەمەزراندنیان گرد بوونەوە و زۆربەی دەرمانخانەكانی شارەكەش وەك پشتگیرییەك بۆ ماوەی دوو كاتژمێر مانیان گرت، خۆپیشاندەران هۆشداری دەدەن ئەگەر حكومەت وەڵامیان نەداتەوە، هەنگاوی توندتر دەگرنەبەر.
لە شاری كەركوك، شەقامی پزیشكان بووە مەیدانی ناڕەزایەتی دەرچووانی كۆلێژی دەرمانسازی كە دژی پشتگوێخستنی داواكارییەكانیان بۆ دامەزراندن ڕژانە سەر شەقام.
هاوكات لە هەنگاوێكی كتوپڕدا بۆ هاوسۆزی لەگەڵیان، زۆربەی دەرمانخانەكانی شارەكە بۆ ماوەی دوو كاتژمێر دەرگاكانیان داخست و كارەكانیان ڕاگرت.
ئەم كێشەیە زیاتر لە 20 هەزار دەرچووی ساڵانی (2023، 2024 و 2025) دەگرێتەوە كە تا ئێستا لەلایەن حكومەتەوە دانەمەزراون.
خۆپیشاندەران داوای وەڵامێكی خێرا لە لایەنە پەیوەندیدارەكان دەكەن و جەخت دەكەنەوە، كە مافە یاساییەكانیان پێشێل كراوە.
دەرمانسازە ناڕازییەكان هۆشدارییان دا، كە ئەمە تەنها سەرەتایە و ئەگەر بەدەم داواكانیانەوە نەیەن، لە ڕۆژانی داهاتوودا پەنا بۆ هەنگاوی توندتر و فراوانتر دەبەن تا دەگەن بە مافە دارایی و پیشەییەكانی خۆیان.
لە تۆڕە کۆمەڵایەتیەکان شەیری بکە