2 کاتژمێر پێش ئێستا
128 جار خوێنراوەتەوە
پارێزگاری كەربەلا یەكێك لە شەقامەكانی شارەكەی ناودەنێت هەڵەبجە
پەیام
پارێزگاری كەربەلا بڕیاری دا یەكێك لە شەقامە سەرەكییەكانی شارەكەی بە ناوی هەڵەبجەوە بكات.
لە ڕاگەیەنراوێكدا كە لە پەیجی خۆیدا بڵاوی كراوەتەوە، نسێف جاسم خەتتابی پارێزگاری شاری كەربەلا لە باشووری عێراق ڕایگەیاند: وەك پێزانینێك بە هەڵوێستی مرۆییانە و نیشتمانییانەی خەڵكی پارێزگای هەڵەبجەی خۆڕاگر لەگەڵ خەڵكی شاری كەربەلا، بڕیای دا یەكێك لە شەقامە سەرەكییەكانی ناوەندی شارەكە بە ناوی هەڵەبجەوە ناو بنێت.
پێشتریش پارێزگاری كەربەلا بڕیاری دا هەر وەك سوپاس و پێزانین بۆ هاوخەمی و هاوسۆزی خەڵكی پارێزگای هەڵەبجە و دەوروبەری لە خنكانی كچێكی شارەكەی لە ئاوى زەڵم بڕیاری دا لە چەند ڕۆژی داهاتوودا سەردانی هەڵەبجە بكات.
کچە منداڵێکى ١١ ساڵ بەناوى ڕوقییە ڕافید دانیشتووی کەربەلا، بۆ مەبەستى گەشتیاری 9 ڕۆژ پێش ئێستا گەیشتبوونە ناوچەى هەورامان و لە یەکەم ڕۆژى گەیشتنیان ڕووقیە کەوتبووە نێو ئاوی زەڵمەوە، دواتر لەلایەن خەڵکى هەڵەبجە و هەورامانەوە ماوەى 9 رۆژ گەڕان بۆ تەرمەکەى بەردەوام بوو تاوەکو سەرەنجام دۆزرایەوە و دواتر بەرەو زێدى خۆى بەڕێکرا، بەوهۆیەشەوە پارێزگارى کەربەلا سوپاسى خەڵكی پارێزگای هەڵەبجەى کرد.
لە تۆڕە کۆمەڵایەتیەکان شەیری بکە