سۆران عومەر لە كۆبوونەوەی پەرلەمان: عێراق با ڕێکار دژى دەسەڵاتداران بگرێتەبەر نەک مووچەخۆران

پەیام

سۆران عومەر سەرۆکى فراکسیۆنى کۆمەڵى دادگەریی لە ئەنجومەنی نوینەرانی عێراق لە كۆبوونەوەی ئەمڕۆی ئەنجومەنەکەدا ڕایگەیاندووە: بە هۆکاری ڕادەست نەکردنی نەوت و داهاتی ناوخۆ، خەڵکی هەرێمی کوردستان کە هاوڵاتی عێراقن موچەی دوو مانگیان پێ نەدراوە.

پرسیاری ئەوەشى کردووە: بۆچی حکومەتی فیدراڵ ڕێکاری یاسایی ناگرێتەبەر دژی ئەوانەی نەوت و داهاتی ناوخۆ ڕادەستی دارایی ئیتحادی ناکەن و فەرمانبەرانی هەرێمی کوردستان سزا دەدات؟

سۆران عومەر باسى لەوەشکردووە ئایا ئێوە کە پەرلەمانتارن ڕازی ئەبن ئەگەر کێشە لەنێوان حکومەتی خۆجێی بەصرەو ئەنبار هەبێت لەسەر داهاتی گومرگ و باج موچەی فەرمانبەرانی ئەو دوو پارێزگایە ببڕدرێت؟

جەختى لەوەشکردووەتەوە: ئەمەی حکومەتی عێراقی کردویەتی بەرامبەر فەرمانبەرانی هەرێمی کوردستان سزادانی موچەخۆرانە.