21 کاتژمێر پێش ئێستا
202 جار خوێنراوەتەوە
هێرشكرایه سه‌ر كێڵگه‌یه‌كی دیكه‌ی نه‌وت له هه‌رێم
په‌یام
ئەمرۆ بەیانی هێرش کرایە سەر کیڵگەی نەوتی سەرسەنگ لە قەزای ئامێدی سەر بە پارێزگای دهۆک و ئه‌مه‌ش له‌كاتێكدایه كه پێشتر وەزارەتی سامانە سرووشتییەكانی هەرێمی کوردستان ڕایگەیاند، بە دوو دڕۆنی بۆمبڕێژکراو، كێڵگەی نەوتی خۆرمەڵە لە پارێزگای هەولێر کراوەتە ئامانج.
وەزارەتەکە لە ڕاگەیاندراوێکدا بڵاوی کردووەتەوە کە، "ئێوارەی ڕۆژی دووشەممە ١٤ی تەمووزی ٢٠٢٥ لە كاتژمێر ٨:٢٠ و ٨:٢٥ خوولەک، لە ڕێگەی دوو درۆنی بۆمبڕێژكراو هێرش كرایە سەر كێڵگەی نەوتی خۆرمەڵە لە پارێزگای هەولێر"، هه‌روه‌ها بەیانی ئه‌مڕۆش هێرش کرایە سەر کیڵگەی نەوتی سه‌رسه‌نگ لە قەزای ئامێدی سەر بە پارێزگای دهۆک و کۆمپانیای HKN Energy ڕایدەگەیەنێت زیانی گیانی نیە و تیمەکان سەرقاڵی کوژاندنەوەی ئاگرەکەن.
وه‌زاره‌ته‌كه ڕاشیگەیاندووە، "هێرشەکە هیچ زیانێكی گیانی نەبووە و تەنیا زیانی بە بۆرییەکانی ئاوی وێستگەکە گەیاندووە".
لە ڕاگەیاندراوەکەدا وەزارەتی سامانە سرووشتییەكانی هەرێمی کوردستان وێڕای شەرمەزارکردنی هێرشەکە، ئاماژەی بەوەداوە کە هێرشەکە مەبەست لێی بە ئامانجگرتنی ژێرخانی ئابووریی هەرێمی کوردستانە.
لە تۆڕە کۆمەڵایەتیەکان شەیری بکە