3 رۆژ پێش ئێستا
154 جار خوێنراوەتەوە
سووریا.. دروزییەكان داوای ناوچەی ئۆتۆنۆمی دەكەن
پەیام
بەرپرسێك لە حكوومەتی سووریا ڕایگەیاند سەركردەی دروزییەكان، حیكمەت هیجری داوا دەكات "ناوچەی ئۆتۆنۆمی" لە سوەیدا دابمەزرێت.
ئەو بەرپرسەی حكوومەتی سووریا كە ناوی ئاشكرا نەكردووە لە میانی دیداری لەگەڵ ژمارەیەك ڕۆژنامەوان باسی لەوە كرد بەهۆی خراپی دۆخی پارێزگای سوەیداوە تا ئێستا، 150 هەزار كەسی مەدەنی وەك ئاوارە لە پارێزگاكە ماڵوحاڵی خۆیان بەجێهێشتووە و، وەك ئاوارە ڕوویان لە پارێزگای دەرعا كردەوە.
ڕاشیگەیاند، ئەو مەدەنییەی كە لە پارێزگای سوەیداوە گواسترانەوە پارێزگای دەرعا، لە قوتابخانەكاندا، نیشتەجێ كراون، تا ئەو كاتەی دۆخەكە لە پارێزگای سوەیدا هێور دەبێتەوە و دواتر دەگەڕێنەوە زێدی خۆیان.
بەرپرسەكەی حكومەتی سووریا وتیشی: "دۆخی مرۆیی لە پارێزگای درەعا، زۆر خراپە". ئاماژەی بەوەشدا سەركردەی دروزییەكان، حیكمەت هیجری داوا دەكات، "ناوچەی ئۆتۆنۆمی" لە سوەیدا، دابمەزرێت.
لە تۆڕە کۆمەڵایەتیەکان شەیری بکە