6 کاتژمێر پێش ئێستا
267 جار خوێنراوەتەوە
گرتەی ڤیدیۆیی دیلێكی ئیسرائیلى بڵاوكرایەوە بەهۆى برسێتییەوە تەواو لاواز بووە
پەیام
كەتیبەكانی عززەدین قەسسام باڵی سەربازیی بزووتنەوەی حەماس گرتەی ڤیدیۆیی دیلێكی زایۆنی لە كەرتی غەززە بڵاوكردەوە، كە تێیدا ئاماژە بەوە دەكات حكومەتی ئیسرائیل "بڕیاری برسیكردنیانی داوە."
لە گرتە ڤیدیۆییەكەدا، لەناو تونێلێكدا دەردەكەوێت كە دیلەكە بە شێوەیەكی بەرچاو لاواز بووە، كە وەك ئاماژەیەكە بۆ ئەو برسێتییەی هێزەكانی زایۆنی بەسەر كەرتی غەززەدا سەپاندوویانە.
قەسسام لە پەیامێكی هاوپێچدا ڕایانگەیاندووە: "ئەوە دەخۆن كە ئێمە دەیخۆین و ئەوە دەخۆنەوە كە ئێمە دەیخۆینەوە،" و هۆشدارییشی لەوە داوە كە "كات لەبەردەمدا نامێنێت."
گرتە ڤیدیۆییەكە دیمەنی دیلەكە لە چەند گۆشەیەكی جیاوازەوە پیشان دەدات كە لاوازیی زۆری جەستەی دەردەخات. هاوكات، وێنەی هاوشێوەی منداڵانی فەڵەستینی خراوەتەڕوو كە جەستەیان بەهۆی برسێتییەوە بووەتە ئێسك و پێست.
كەتیبەكان ئاماژەیان بەوەشكردووە كە "وا بڕیار بوو ئەو دیلە لە ڕێككەوتنێكی ئاڵوگۆڕدا ئازاد بكرێت، بەڵام ئیسرائیل تا ئێستا ڕێگری لەوە دەكات."
كەرتی غەززە بەدەست خراپترین قەیرانی مرۆیی لە مێژووی خۆیدا دەناڵێنێت، كە تێیدا برسێتی سەخت هاوكاتە لەگەڵ شەڕێكی لەناوبردنی بەكۆمەڵ كە "ئیسرائیل" بە پشتیوانی ئەمریكا لە 7ی تشرینی یەكەمی 2023ەوە دەستی پێكردووە.
لە تۆڕە کۆمەڵایەتیەکان شەیری بکە