3 کاتژمێر پێش ئێستا
24 جار خوێنراوەتەوە
"بۆ دووبارەنەبوونەوەى سووتانى زبڵخانەى سۆران پێویستە کامێراى چاودێریی دابنرێت"
پەیام
دوانیوەرۆی دوێنێ، هەینی ئاگرێكی گەورە لە زبڵخانەی ئیدارەی سۆران كەوتەوە و دورۆژە دووكەڵ ئاسمانی قەزای ڕەواندز و سۆرانی داپۆشیوە و كاریگەرییەكانی گەیشتووەتە ناوچەی باڵەكایەتیش.
بەرگری شارستانیی سۆران دەڵێ: كۆنترۆڵكردنی ئاگرەكە زەحمەتە و 48 كاتژمێری دیكەیان پێویستە بۆ كۆنترۆڵكردنی بەهۆی ئەوەی زبڵێی زۆری لێیە. دەشڵێت "بۆ دووبارەنەبوونەوەى سووتانى زبڵخانەى سۆران پێویستە کامێرا چاودێریی دابنرێت".
هاوڵاتیانی ناوچەكە، بەتایبەتی ئەوانەی نەخۆشیی تەنگەنەفسی و ڕەبۆیان هەیە تووشی ناڕەحەتی زۆر بوون و دووكەڵ وەكو ژەهرێكی كوشندە تێكەڵ بە هەوای ناوچەكە بووە.
بوونی زبڵخانەیەكی وەها گەورە لەنێوان قەزای ڕەواندز و سۆران گرفتێكی گەورەیە و ساڵانە ڕووداوی هاوشێوەی لێ دەكەوێتەوە و تاوەكو ئێستاش ئیدارەی ناوچەكە چارەسەری پێویستی بۆ نەدۆزیوەتەوە.
لە تۆڕە کۆمەڵایەتیەکان شەیری بکە