5 کاتژمێر پێش ئێستا
119 جار خوێنراوەتەوە
ماوەی خۆتۆماركردن لە فۆڕمی ئەلیكترۆنیی خۆراك تا 25ی ئەم مانگە درێژ كرایەوە
پەیام
وەزارەتی بازرگانیی عێراق ماوەی خۆتۆماركردنی لە فۆڕمی ئەلیكترۆنیی خۆراك تا 25ی ئاب، واتە ئەم مانگە، درێژ كردەوە.
ئەمڕۆ، شەممە، لە ڕاگەیەنراوێكدا وەزارەتی بازرگانیی عێراق بڵاوی كردەوە "ماوەی نوێكردنەوەی فۆڕمی خۆراك بەشێوەی ئەلیكترۆنی بۆ هاووڵاتیان لە سەرتاسەری وڵات تا 25ی ئاب، واتە ئەم مانگە درێژ كردووەتەوە".
وەزارەتەكە داوایشی لە هاووڵاتیان كردووە پەلە بكەن لە نوێكردنەوەی زانیارییەكانیان لە ماوەی دیارییكراودا، چونكە ئەوە دەرفەتی كۆتاییە و دوای تەواوبوونی ماوەكەی بەشێوەیەكی كۆتایی پڕۆسەی خۆتۆماركردن لە فۆڕمە ئەلیكترۆنییەكە دادەخرێت.
دوێنێ، هەینی وەزارەتی بازرگانیی عێراق ڕایگەیاند: 36 ملیۆن كەس لە تەواوی عێراق بە هەرێمی كوردستانیشەوە خۆیان لە فۆڕمی ئەلیكترۆنیی تۆمار كردووە.
وەزارەتی بازرگانیی عێراق بە ئاژانسی هەواڵی عێراقی ڕاگەیاند: جگە لە فۆڕمی خۆراكی هاووڵاتیان، فۆڕمێكی دیكەی ئەلیكترۆنییش بۆ بریكارانی خۆراك دەكرێتەوە و پێویستە ئەوانیش بە ئەلیكترۆنی تۆمار ببن.
لە تۆڕە کۆمەڵایەتیەکان شەیری بکە