12 کاتژمێر پێش ئێستا
275 جار خوێنراوەتەوە
وەزارەتی بازرگانی: 36 ملیۆن كەس فۆرمی ئەلیكترۆنی خۆراكیان پڕ كردوەتەوە
پەیام
وەزارەتی بازرگانی عێراق ئاماری پڕكردنەوەی فۆرمی ئەلیكترۆنی خۆراكی بڵاوكردەوە و هەروەها وادەی زیادكردن و سڕینەوەی ئەندامانی خێزان و گواستنەوەی ئاشكراكرد.
بەپێی ڕاگەیەنراوی وەزارەتی بازرگانی، تاكو ئێستا 36 ملیۆن كەس فۆرمی ئەلیكترۆنییان لە تەواوی عێراق بە هەرێمی كوردستانیشەوە پڕكردوەتەوە و، لەماوەی داهاتووشدا فۆرمی ئەلیكترۆنی بریكارانی خۆراكیش بەردەست دەبێت.
وەزارەتەكە راشیگەیاندووە، فۆرمی ئەلیكترۆنی خۆراك مامەڵەیەكی ئاسانتر بۆ هاووڵاتیان دەستەبەر دەكات، لەگەڵ ئەوەشدا گەیاندنی خزمەتگوزاریی بۆ هاووڵاتیان ئاسان دەكات و وردتریش ئامار و داتاكان بە وەزارەتی بازرگانی دەگات.
وەزارەتی بازرگانی عێراق دەشڵێت، پاش وردبینیكردن لەو داتا و ئامارانەی كە پاش تەواوكردن و پڕكردنەوەی فۆرمی ئەلیكترۆنی بە وەزارەتەكە گەیشتووە، فۆرمێكی دیكەی ئەلیكترۆنی بۆ بریكارانی خۆراك دەكرێتەوە و پێویستە ئەوانیش بە ئەلیكترۆنی تۆمارببن.
پاش ئەو پرۆسانەیش خزمەتگوزاری زیادكردن و سڕینەوەی ئەلیكترۆنی خۆراك و هەروەها گواستنەوەی شوێنی وەرگرتنی بایەعی دەكرێتەوە كە لە ئێستادا ڕاگیراوە.
لە تۆڕە کۆمەڵایەتیەکان شەیری بکە