پێش 2 هەفتە
191 جار خوێنراوەتەوە
هه‌وڵ بۆ ده‌ستپێكردنه‌وه‌ی گه‌ڕێكی دیكه‌ی دانوستانه‌كان له ئارادایه
میسر و قه‌ته‌ر به به‌شداریی توركیا پێشنیازێكی نوێ له‌باره‌ی دانوستانی غه‌ززه‌وه پێشكه‌ش ده‌كه‌ن.
كه‌ناڵی سكای نیوزی عه‌ره‌بی بڵاوی كردووه‌ته‌وه، هه‌ریه‌ك له وڵاتانی میسر و قه‌ته‌ر كه نێوه‌ندگیری له نێوان حه‌ماس و قه‌واره‌ی زایۆنی ده‌كه‌ن، له گه‌ڕێكی نوێدا و به به‌شداریی توركیا ده‌ستپێشخه‌رییه‌كیان كردووه بۆ ئه‌وه‌ی جارێكی دیكه دانوستانی غه‌ززه ده‌ست پێ بكاته‌وه.
سه‌رچاوه‌یه‌ك بیۆ سكای نیوز باسی له‌وه كردووه ئه‌مشه‌و خه‌لیل حه‌ییه، سه‌رۆكی بزووتنه‌وه‌ی حه‌ماس له غه‌ززه گه‌یشتووه‌ته قاهیره‌ی پایته‌ختی میسڕ و بڕیاره چاوی به به‌رپرسانی ئه‌و وڵاته بكه‌وێت. ئه‌مه‌ش له چوارچێوه‌ی هه‌وڵێكی چڕی هه‌رێمایه‌تیدا له‌پێناو ئاساییكردنه‌وه‌ی دۆخ له غه‌ززه و ڕێگری له بڕیاری داگیركردنی كه‌رته.
سه‌رچاوه‌كه ده‌ڵێت، ئه‌گه‌ر حه‌ماس له‌سه‌ر ئه‌و ده‌ستپێشخه‌رییه ڕازی بێت ئه‌وا ده‌گه‌یه‌نرێته ئه‌مریكا بۆ ئه‌وه‌ی پێشكه‌ش لایه‌نی ئیسرائیلی بكرێت.
به‌پێی زانیارییه‌كان ده‌ستپێشخه‌رییه نوێیه‌كه‌ی میسر و قه‌ته‌ر و توركیاڕێككه‌وتنێكی گشتگیر بۆ ئازادكردنی ته‌واوی دیله ئیسڕائیلییه‌كان له‌خۆ ده‌گرێت له‌به‌رانبه‌ر ژماره‌یه‌ك له دیله فه‌ڵه‌ستینییه‌كاندا، هه‌روه‌ها پلانێك بۆ كشانه‌وه و هه‌بوونی نوێی سوپای زایۆنی له غه‌ززه تا ئه‌و كاته‌ی ده‌گه‌نه ڕێككه‌وتن بۆ چاره‌سه‌ری ته‌واوه‌تیی چه‌ك و حوكمی حه‌ماس له غه‌ززه.
به‌پێی ده‌ستپێشخه‌رییه‌كه حه‌ماس بۆ ماوه‌یه‌ك چالاكیی سه‌ربازی سڕ ده‌كات و چه‌ك به‌كارناهێنێت،بۆ ئه‌مه‌ش وڵاتانی نێوه‌ندگیر و توركیا گره‌نتی دابین ده‌كه‌ن تا ئه‌و كاته‌ی هه‌ردوولا ده‌گه‌نه ڕێككه‌وتنی كۆتایی و ئاگربه‌ستی هه‌میشه‌یی.
لە تۆڕە کۆمەڵایەتیەکان شەیری بکە