وەزیرێکی ئیسرائیل: پێویستە هەر کەسێك لە غـ.ەززە بە گوللە نەمرێت، بە برسێتی بمرێت

پەیام

لە 693هەمین ڕۆژی جەنگی سەر كەرتی غەززەدا، ئەمڕۆ دەیان فەڵەستینی دیكە شەهید بوون، سوپای قەوارەی زایۆنیش شاری غەززەی وەك "ناوچەی مەترسیداری شەڕ" ڕاگەیاند.

لە 693هەمین ڕۆژی جەنگی سەر كەرتی غەززە، ئەمڕۆ، هەینی زیاتر لە 40 فەڵەستینی لە چەندین ناوچەی كەرتەكە لە بەیانییەوە بەهۆی بۆردومان و كۆمەڵكوژیی سوپای قەوارەی زایۆنییەوە شەهید بوون.

هاوكات، بێتسالئیل سمۆتریچ، وەزیری دارایی قەوارەی زایۆنی، داوایكرد پێویستە "ئاود و كارەبا و خۆراك لە كەرتی غەززە ببڕدرێتەوە و هەر كەسێك بە گوللە نەمرێت، بە برسێتی بمرێت".

هەروەها بەڕێوەبەری گشتی وەزارەتی تەندروستی فەلەستین رایگەیاند: بەئامانجگرتنی خەڵكی سڤیل لە شاری غەززە ڕۆژانە ڕوو دەدات و قەوارەی زایۆنی ڕۆژانە 7 بۆ 10 ڕۆبۆتی تەقینەوە لە شاری غەززە بەكار دەهێنێت". هەروەها ئاشكرایكرد "هەموو دانیشتووانی ڕۆژهەڵاتی غەززە ئاوارەی ڕۆژئاوای شارەكە بوون
و چڕی دانیشتووان لە شاری غەززە گەیشتووەتە 60 هەزار كەس لە هەر كیلۆمەترێكی چوارگۆشەدا".

هاوكات ئەمڕۆ هەینی، ئاڤیخای ئەدرعی، وتەبێژی سەربازیی سوپای قەوارەی زایۆنی، لە بەیاننامەیەكدا بڵاویكردەوە "بە پشتبەستن بە هەڵسەنگاندنی دۆخەكە و ڕێنماییەكانی ئاستی سیاسی، بڕیار درا لە بەیانی ئەمڕۆ هەینی، كاتژمێر 10:00ـەوە شاری غەززە وەك ناوچەیەكی مەترسیداری شەڕ هەژمار بكرێت".