پێش 2 هەفتە
163 جار خوێنراوەتەوە
شاندێكی هه‌سه‌ده له دیمه‌شقه
په‌یام
شاندێكی هه‌سه‌ده گه‌یشته دیمه‌شق و بڕیاره له‌گه‌ڵ به‌رپرسانی ئه‌و وڵاته جارێكی دیكه درێژه به گفتوگۆكانیان بده‌ن بۆ كۆتایی هێنان به بارگژیه‌كان و گه‌یشتن به ڕێككه‌وتن.
سه‌رچاوه‌یه‌كی حكومه‌تی سوریا ئاشكرایكرد كه شاندێكی "هێزه‌كانی سوریای دیموكرات" (هه‌سه‌ده) گه‌یشتووه‌ته دیمه‌شق بۆ ئه‌نجامدانی گفتوگۆ له‌گه‌ڵ حكومه‌ت، ئه‌مه‌ش دوای گرژی و پێكدادانی چه‌كداری دێت كه له هه‌فته‌كانی ڕابردوودا له‌نێوان هه‌ردوولادا ڕوویدا.
هه‌مان سه‌رچاوه ڕایگه‌یاندووه كه ئه‌م گه‌ڕه نوێیه‌ی دانوستانه‌كان ته‌واوكه‌ری ڕێككه‌وتنی 10ی ئازاری ڕابردووه، كه له‌لایه‌ن ئه‌حمه‌د شه‌رع سه‌رۆكی سوریا و مه‌زڵوم عه‌بدییه‌وه فه‌رمانده‌ی گشتیی هه‌سه‌ده، له دیمه‌شق واژۆ كرا.
ئه‌م سه‌ردانه له كاتێكدایه كه حكومه‌تی سوریا ڕۆژی شه‌ممه‌ی ڕابردوو كۆوبونه‌وه‌كانی له‌گه‌ڵ هه‌سه‌ده ڕاگرت به‌هۆی سازكردنی كۆنفرانسێك له حه‌سه‌كه كه تێیدا ژماره‌یه‌ك كه‌سایه‌تیی ئایینیی دژبه‌ری حكومه‌ت به‌شداربوون و دیمه‌شق كۆنفرانسه‌كه‌ی به "لێدانێك له هه‌وڵه‌كانی دانوستان" له قه‌ڵه‌م داوه و جه‌ختی كردووه‌ته‌وه كه "گفتوگۆ له‌گه‌ڵ هیچ لایه‌نێكدا ناكات كه هه‌وڵی گه‌ڕاندنه‌وه‌ی ڕژێمی پێشوو بدات"
لە تۆڕە کۆمەڵایەتیەکان شەیری بکە