پێش 2 هەفتە
211 جار خوێنراوەتەوە
ئه‌مڕۆش ژماره‌یه‌كی دیكه به‌هۆی برسێتییه‌وه گیانیان له‌ده‌ست دا
هێرش و گه‌مارۆ و كۆمه‌ڵكوژی قه‌واره‌ی زایۆنی بۆ سه‌ر كه‌رتی غه‌ززه 676ڕۆژه به‌رده‌وامه و، ئه‌مڕۆ زیاد له 50 كه‌س شه‌هید بوون و ژماره‌یه‌كیش به برسێتی گیانیان له‌ده‌ست دا.
نیوه‌ڕۆی ئه‌مڕۆ سه‌رچاوه‌یه‌كی ته‌ندروستی له كه‌رتی غه‌ززه ئاشكرایكرد كه له سه‌ربه‌یانی ئه‌مڕۆوه 48 كه‌س شه‌هید بوون، دواتریش شه‌هید بوونی چوار كه‌سی دیكه ڕاگه‌یه‌ندرا و ژماره‌ی شه‌هیده‌كانی ئه‌مڕۆ بۆ سه‌رو 50 كه‌س به‌رز بووه‌ته‌وه، كه به‌شێكیان له‌و كه‌سانه بوون نۆره‌یان بۆ وه‌رگرتنی خۆراك وه‌رگرتووه.
هه‌روه‌ها ئه‌مڕۆ شه‌هید بوونی شه‌ش كه‌س به‌هۆی برسێتیه‌وه ڕاگه‌یه‌ندرا كه دوانیان منداڵن، به گشتیش ژماره‌ی ئه‌و كه‌سانه‌ی به برسیه‌تی گیانیان له‌ده‌ستداوه بۆ 228 كه‌س به‌رز بووه‌ته‌وه 103یان منداڵن.
خۆراكی جیهانیش ڕایگه‌یاند كه برسێتی تا بێت دۆخی كه‌رتی غه‌ززه خراپتر ده‌كات و سێ له‌سه‌ر چواری خه‌ڵكی كه‌رته‌كه نان نییه بیخۆن.
له‌لایه‌كی دیكه‌وه تا بێت ناڕه‌زایه‌تی ناوخۆیی له قه‌واره‌ی زایۆنی دژ به پلانی داگیركردنی ته‌واوه‌تی كه‌رتی غه‌ززه ڕوو له هه‌ڵكشانه و دایكی سه‌ربازانی یه‌ده‌ك بڕیاریانداوه دژی خۆپیشاندان بكه‌ن و هه‌روه‌ها به‌شێك له زانكۆ و داموده‌زگاكانیش بڕیاری مانگترنیان داوه.
لە تۆڕە کۆمەڵایەتیەکان شەیری بکە