دوو لەسەر سێی بەریتانییەكان ئامادەنین بۆ بەرگریكردن لە وڵاتەكەیان بجەنگن

پەیام 

بەپێی بەدواداچوونێك، دوو لەسەر سێی بەریتانییەكان ئامادەنین بۆ بەرگریكردن لە وڵاتەكەیان چەك هەڵگرن و بجەنگن.

ڕۆژنامەی "دەیلی ئێكسپرێس"، توێژینەوەیەكی ئەنجامداوە و، دەریدەخات، كە نزیكەی دوو لەسەر سێی هاوڵاتیانی بەریتانیا ئامادە نین لە كاتی هێرشكردنە سەر وڵاتەكەیان، بجەنگن و بەرگری لێبكەن. 

بەپێی توێژینەوەكە 64%ی بەشداربووان ڕایانگەیاندووە، كە نایانەوێت لە كاتی هەڵگیرسانی جەنگدا بچنە ناو سوپاوە و ببنە سەرباز بۆ بەرگریكردن لە وڵات، ئەم نیشانەیە لە هەموو تەمەنەكاندا بەدی دەكرێت، لەوانەش لەنێو بەشداربووانی تەمەن 18 بۆ 24 ساڵ بە ڕێژەی سەدا 52، هەروەها لە تەمەن 25 بۆ 34 ساڵ بە ڕێژەی سەدا (51%)، وردەكاری زیاتر سەبارەت بە كاتی توێژینەوەكە یان ژمارەی بەشداربووان لەبەردەستدا نییە. 

لە لایەكی دیكەوە ڕاپرسییەكی دامەزراوەی "یووگۆڤ" كە ڕۆژی پێنجشەممە بڵاوكرایەوە، دەریدەخات كە 82%ی بەریتانییەكان پێیانوایە دۆخی وڵاتەكەیان خراپە، و 60%یش پێشبینی دەكەن لە ساڵی داهاتوودا دۆخەكە خراپتر بێت.