زۆرینەی گەنجانی ئەمریكا پشتیوانی لە لایەنە بەرگریکارە فەڵەستینییەکان دەکان

پەیام 

زۆرینەی چینی گەنجانی ئەمریكا پشتیوانی بزووتنەوەی حەماس بەسەر قەوارەی زایۆنییدا هەڵدەبژێرن.

بەپێی ڕاپرسییەكی زانكۆی هارڤارد و دامەزراوەی هاریس 60%ی چینی گەنجانی كۆمەڵگەی ئەمریكی پشتیوانیی لە بزووتنەوەی بەرەنگاریی ئیسلامیی فەڵەستین (حەماس) بەسەر قەوارەی زایۆنییدا هەڵدەبژێرن.

بەپێی ڕاپرسییەكە كە ئەم هەفتەیە ئەنجام دراوە، گۆڕانكارییەكی ئاشكرا لە تێڕوانینی گەنجانی كۆمەڵگەی ئەمریكی، ئەوانەی تەمەنیان لەنێوان 18 بۆ 24 ساڵیدایە بۆ پرسی فەڵەستین و جەنگی دوو ساڵەی قەوارەی زایۆنی بۆ سەر كەرتی غەززە دروست بووە.

ڕاپرسییەكە كە پرسیاری: لە ململانێی نێوان ئیسڕائیل و حەماس پشتیوانی لە زیاتر لە ئیسڕائیل، یان حەماس دەكەیت؟ ئاماژە بۆ ئەوە دەكات "60% گەنجان، ئەوانەی تەمەنیان لەنێوان 18 بۆ 24 ساڵیدایە وەڵامەكەیان پشتیوانییكردنە لە بزووتنەوەی حەماس بەسەر قەوارەی زایۆنییدا.

ڕاپرسییەكی زانكۆی هارڤارد و دامەزراوەی هاریس ئەوەش ئاشكرا دەكات تاكی كۆمەڵگەی ئەمریكی تا بەرەو بەساڵاچووندا بڕوات زیاتر پشتیوانیی لە قەوارەی زایۆنی دەكات، بەجۆرێك ئەوانەی تەمەنیان لە 65 ساڵ بەسەرەوەیە 89%یان پشتیوانی لەو قەوارەیە دەكەن، بەكۆی گشتیی ڕاپرسییەكەش 26%ی ئەمریكییەكان پشتیوانیی لە حەماس و 74%یشیان پشتیوانیی قەوارەی زایۆنی دەكەن.