15 کاتژمێر پێش ئێستا
116 جار خوێنراوەتەوە
پۆڵەندا.. فڕۆكەیەكی ئێف 16 لەكاتی نمایشدا كەوتە خوارەوە و فڕۆكەوانەكەی گیانیلەدەستدا
پەیام
فڕۆكەیەكی جەنگی شەڕكەر لە پۆڵەندا لەكاتی ئامادەكاری بۆ نمایشێكی ئاسمانی كەوتە خوارەوە و فڕۆكەوانەكەشی گیانیلەدەستدا.
ئادەم سلابكا، وتەبێژی حكومەتی پۆڵەندا هەواڵەكەی پشڕاستكردووەتەوە و ڕایگەیاندووە، "فڕۆكەیەكی جەنگی شەڕكەر لە جۆری ئێف 16 لەكاتی ئامادەكاری بۆ نمایشێكی ئاسمانی، كە لە كۆتایی هەفتەدا ئەنجام دەدرێت كەوتە خوارەوە و بە داخەوە فڕۆكەوانەكەی گیانیلەدەستدا".
وتەبێژی حكومەتی پۆڵەندا بڵاویكردووەتەوە "ڕووداوەكە لە شاری رادۆم ڕوویداوە و فڕۆكەكە سەرقاڵی چەند نمایشێكی پاڵەوانانە بووە و لەكاتی نیشتنەوەیدا لەسەر ڕێڕەوی نیشتنەوەی فڕۆكەخانەكە گڕی گرتووە و فڕۆكەوانەكە گیانیلەدەستداوە".
بەپێی ئەوەی حكومەتی ئەو وڵاتە بڵاویكردوەتەوە "كۆتایی ئەم هەفتەیە نمایشێكی ئاسمانی بە ناوی "ئیر شۆو" لە شاری رادۆم لە باشووری وارسۆی پایتەختی پۆڵەندا بەڕێوەدەچێت و ئەو فڕۆكەوانەش وەك ئامادەكارییەك بۆ ئەو نمایشە فڕۆكەكەی هەستاندووە و ڕاهێنانی كردووە".
لە تۆڕە کۆمەڵایەتیەکان شەیری بکە