12 کاتژمێر پێش ئێستا
34 جار خوێنراوەتەوە
دەزگای بەخشین لە میسر هاوكاری بەسەر خەڵكی لێقەوماوی غەززەدا دابەشكردەوە
پەیام
دەزگای خێرخوازیی بەخشین بەردەوامە لە بەدەمەوەچوونی خەڵكی لێقەوماوی غەززە و بۆ جاری دووەم تیمێكی دەزگاكە لە قاهیرەی پایتەختی میسر هاوكاری بەسەر 100 خێزانی خاوەنپێداویستی تایبەت و نەخۆشان و بریندارانی بۆردومانەكانی قەوارەی زایۆنی لە كەرتەكە كرد، كە لە ئێستادا ئاوارەبوون و چوونەتە نێو ئەو وڵاتە.
تیمەكەی بەخشین بە هاوكاریی خێرخوازانی كوردستان، جگە لە دابەشكردنی هاوكاری دارایی، كە بۆ هەر خێزانێك بڕی 100 دۆلاربوو، نیوەڕۆخوانێكیشی بۆ خێزانە لێقەوماوەكانی غەززە ساز كرد.
هاووڵاتییەكی خاوەنپێداویستی كەرتی غەززەش لە میسر سوپاسی دەزگای خێرخوازی بەخشین و خەڵكی هەرێمی كوردستان دەكات، داواش دەكات هەر وەك چۆن پێشتر هاوكاریان كردوون، بەردەوامبن لە هاوكاری كردنیان لەبەرئەوەی ئەوان لە كێشەدان، هەروەها دەڵێت خەڵكی كوردستان هەمیشە ئەهلی خێر و چاكەبوون.
لە تۆڕە کۆمەڵایەتیەکان شەیری بکە