بەرشەلۆنە لەبارەی داهاتووی لیڤاندۆڤسكییەوە یەكلا بووەتەوە

پەیام سپۆڕت - مەڕوان تاڵیب

یانەی بەرشەلۆنە لەبارەی داهاتووی ڕۆبێرت لیڤاندۆڤسكییەوە یەكلا بووەتەوە و هێرشبەرەكەش نایەوێت دوو بژاردەی لەبەردەم دایە.

 گرێبەستی یاریزانە پۆڵەندییەكە لە هاوینی داهاتوو كۆتایی دێت و دەتوانێت لە مانگی یەكەوە گفتوگۆ لەگەڵ هەر یانەیەك بكات كە دەیەوێت و دواتر لە هاویندا بێبەرانبەر بڕوات.

لەو بارەیەوە ڕۆژنامەی سپۆڕتی نزیك لە یانە كەتەلۆنییەكە ئاشكرای كردووە، پلانی بلاوگرانا ئەوەیە لە هاوینی داهاتوو دەستبەرداری لیڤاندۆڤسكی بێت، بەڵام ئامادەش نین بێبەرانبەر ڕێگەی ڕۆیشتنی پێ بدەن.

سەرچاوەكە ئەوەش ڕوون دەكاتەوە، پلانی بەرشەلۆنە ئەوەیە گرێبەستی لیڤاندۆڤسكی بۆ دوو وەرزی دیكە نوێ بكرێتەوە و دواتر لە هاویندا بەرانبەر بڕێك پارە دەیانەوێت یاریزانەكە بفرۆشن.

سپۆڕت ئەوەشی دووپات كردووەتەوە، لیڤاندۆڤسكی بە هیچ شێوەیەك نایەوێت ڕوو لە خولی سعودی بكات و دەوێت لە ئەورووپا درێژە بە یاریكردن بدات.

لە كۆتایدا ڕۆژنامەكە باس لەوە دەكات، خێزانەكەی لیڤاندۆڤسكی فشار لە هێرشبەرەكە دەكەن لە كەتەلۆنیا بەردەوام بن، لە بەرانبەر ڕۆبێرت بیر لە بژاردەی وازهێنانی هەمیشەیش دەكاتەوە.