25/11/2025
490 جار خوێنراوەتەوە
دێمبڵی ئەو وادەیە ئاشکرا دەکات کە دڵنیا بووەتەوە باڵۆندۆر دەباتەوە
پەیام سپۆڕت - مەڕوان تاڵیب
عوسمان
دێمبڵی فەڕەنسی و یاریزانی پاریس سانجێرمان ئەو وادەیە ئاشکرا دەکات کە
دڵنیابووەتە تۆپی ئاڵتونی بەدەست دەهێنێت.
لەمیانەی
لێدوانێکی بۆ گۆڤاری جی کیو" سەرەتا عوسمان ڕایگەیاند، لە سەرەتای وەرزی
ڕابردوو قسەی لەگەڵ سەرۆک و بەڕێوەبەری وەرزشی و ئینریکی کردووە و ئەوانیش پێیان
وتووە پێویستە ببیتە سەرکردەیەتی ژووری جلگۆڕین بۆ یاریزانە لاوەکان بە تایبەتی
دوای ڕۆیشتنی مباپێ و تاکو هەموو نازناوەکانیان بەدەست هێنا.
دێمبڵی
ئەوەش ڕوون دەکاتەوە، دوای یاریی کۆتایی چامپیۆنسلیگ بەخۆی وتووە ئەم سەرکەوتنە
ناتوانێت خەڵاتی باڵۆندۆرت پێ بدات، بەڵام دوای بردنەوەی جامی سوپەری ئەورووپا
لەوە دڵنیابووەتەوە کە خەڵاتەکە بەدەست دەهێنێت، بۆیە دڵنیایی دەدات هەرگیز
کەسایەتییەکەی ناگۆڕێت و وەک خۆی دەمێنێتەوە.
هێرشبەرەکەی
پی ئێس جی وتیشی: لە سەروو هەموو شتێکەوە ئینریکی بیرکردنەوەیەکی نوێی لە مندا
دەرهێنا و هەمیشە هانی دەدایت وەک چۆن یارییەکە دەکەین ئاوا ڕاهێنانیش بکەین.
لە
کۆتایدا دێمبڵی دەشڵێت: ئامانجی داهاتوومان بردنەوەی هەموو نازناوەکانە و هیوادارە
لە ساڵی 2026 نازناوی چامپیۆنسلیگ و پاشان جامی جیهانی لەگەڵ فەڕەنسا بەرز
بکاتەوە.
لە تۆڕە کۆمەڵایەتیەکان شەیری بکە