پەیامێکی توند لە ئانچلۆتییەوە بۆ ڤینیسیۆس و نێمار

پەیام سپۆرت - بڕیار تەها
کارلۆ ئانچلۆتی ئیتاڵی و ڕاهێنەری هەڵبژاردەی بەڕازیل پەیامێکی توند بۆ هەریەکە لە نێمار داسیلڤا و ڤینیسیۆس جۆنیۆری هێرشبەرانی سیلیساو دەنێرێت.

 میدیاکانی بەرازیل نوێترین لێدانی کارلۆ ئانچلۆتی بڵاو دەکەنەوە و سەبارەت بە بانگهێشتکردنی ڤینیسیۆس بە شێوەیەکی مسۆگەر بۆ مۆندیال ئەو ڕاهێنەر بە توند پەیامێک دەنێرێت و سەرەتا دەڵێت: پێتانوایە ڤینیسیۆس جونیۆر پێگەی مسۆگەر کردووە بۆ مۆندیال؟ نەخێر، بەڵکو دەبێت ڤینیسیۆسیش لەوپەڕی ئامادەیی جەستەییدا بێت، چەندین یاریزانی نایابمان هەیە، دەبێت ئەو یاریزانانە هەڵبژێرم کە خاوەنی ئامادەیی تەواوی جەستەیین.

ڕاهێنەرەکەی سیلیساو بە ناردنی پەیام بۆ نێماریش کۆتایی بە قسەکانی دەهێنێت و دەڵێت: تەنیا نەیمار نا، بەڵکو ڤینیسیۆسیش، ئەگەر ڤینیسیۆس لەوپەڕی ئامادەییدا نەبێت، یاریزانێکی دیکە بۆ بەڕازیل بانگهێشت دەکەم، چونکە تیپەکە خاوەنی ئاستێکی بەرزی کێبڕکێیە کە چەندین یاریزانی باشی لە هێڵی هێرشبردن هەیە.