بەرشەلۆنە پێکانی ئەستێرەیەکی ڕاگەیاند

پەیام سپۆڕت - مەڕوان تاڵیب

فێرمین لۆپێزی یاریزانی یانەی بەرشەلۆنە دووچاری پێکان بووە و چەند هەفتەیەک دوور دەکەوێتەوە.

 لە بەیاننامەیەکی فەڕمیدا، یانە کەتەلۆنییەکە بڵاوی کردووەتەوە، فێرمین لۆپێز لە قاچی ڕاستیدا دووچاری پێکان هاتووە و بەو هۆیەوە ماوەی دوو هەفتە لە یاریگاکان دوور دەکەوێتەوە.

بەو هۆیەوە یاریزانە ئیسپانییەکە ناتوانێت لە یاری بەرانبەر دیپۆرتیڤۆ ئالاڤێس و پاشان ئەتلەتیکۆ مەدرید و دواتریش ڕیاڵ بێتس ئامادە بێت و دیاریش نییە دەتوانێت بۆ یارییەکەی فڕانکفۆرت لە چامپیۆنسلیگ دەگەڕێتەوە یاخوود بەشداری ئەو یارییەش ناکات.

بەڵام ئەوەی جێگەی دڵخۆشییە بۆ هاندەرانی بەرشەلۆنە پێدری بەشداری ڕاهێنانە بە کۆمەڵەکانی تیپەکەی کردووەتەوە و پێشبینی دەکرێت لە یاری داهاتوو چەند خولەکێک بەشداری پێ بکرێت.