گاکپۆ هۆکاری ئەنجامە خراپەکانی لیڤەرپووڵ ڕوون دەکاتەوە

پەیام سپۆڕت - مەڕوان تاڵیب

کۆدی گاکپۆی هۆڵەندی و یاریزانی یانەی لیڤەرپووڵ، هۆکاری ئەنجامە خراپەکانی ئەم دواییەی یانە ئینگلیزییەکە ئاشکرا دەکات.

 لیڤەرپووڵ پێش وەستانی یارییەکان بەرانبەر هەریەک لە کریستاڵ پاڵاس و چێڵسی لە پرێمەرلیگ و گەلەتەسەرای لە چامپیۆنسلیگ دۆڕاوە.

لەو بارەیەوە گاکپۆ وتی: پێموایە قورس بووە یاریزانە نوێیەکان بە خێرای خۆیان لەگەڵ تیپەکە بگونجێنن و زۆری یاریزانە نوێیەکانیش هۆکاری ئەو ئەنجامە خراپانەیە، چونکە هەندێکجار گۆڕینی پێکهاتەی تیپەکە بەو خێراییە قورسە.

لە بەشێکی دیکەی قسەکانی گاکپۆ ڕایگەیاند، چەند یاریزانێکیش ڕیزەکانی لیڤەرپووڵیان بەجێهشتووە کە ماوەیەکی زۆر لەگەڵ تیپەکەدا، لە نموونەی نونێز و لویس دیاز و کوانسا و هارڤی ئیلیۆت.

لە کۆتایدا گاکپۆ ئاماژەی بەوەکرد، پێویستە تیپەکە خۆی لەگەڵ یاریزانە نوێیەکان بگونجێنێت و باشتر لە یەکدی بگەن، پێشیوایە ڕێگەیەک بۆ باشترکردنی ئەنجامەکان دەدۆزنەوە.