ئەیسی میلان گرێبەستێکی 100 ملیۆن یۆرۆی ئەنجام دا

پەیام سپۆرت - بڕیار تەها

یانەی ئەیسی میلانی ئیتاڵی گرێبەستی سپۆنسەریەکەی لەگەڵ کۆمپانیای فرۆکەوانەی 'فلای ئیمارات' نوێ کردەوە  بۆ هەر وەرزێک 20 ملیۆن یۆرۆ وەردەگرێت.

 لە بڵاوکراوەیەکی فەرمیدا یانە ئیتاڵییەکە ئاشکرای کرد، لەگەڵ کۆمپانیای فرۆکەوانی ئیماراتی گەیشتوونەتە ڕێککەوتن تائەوەی گرێبەستی سپۆنەسەری نێوانیان بۆ پێنچ ساڵی دیکە و تاکو 2030 نوێ بکەنەوە.

بەپێی هەواڵێکی پێگەی فوتبۆڵی ئیتاڵی، بەهای کۆی گرێبەستەلە نزیکەی ١٠٠ ملیۆن یۆرۆیە لە ماوەی پێنج ساڵدا، بۆ یەک وەرز یانەی ئەیسی میلان ٢٠ ملیۆن یۆرۆ وەردەگرێت.

یانەی ئەیسی میلان لەسەر درێسی تیمی یەکەمی پیاوان و خانمان و سەرجەم ئاستە تەمەنییەکان لۆگۆ و ناوی کۆمپانیای فلای ئیمارات وەک ڕیکلام داناوە.

گرێبەستی نێوان میلان و فلای ئیمارات لە ساڵی 2007ــەوە دەستی پێکردووە و بەو جۆرەش بێت لە ساڵی 2027دا دەبێت 20 ساڵ کارکردن بەیەکەوە.