ئالۆنسۆ بەر ڕەخنە دەدرێت

پەیام سپۆرت - بڕیار تەها

وردە وردە ڕەخنەکان بۆ سەر چابی ئالۆنسۆی ڕاهێنەری نوێی ڕیاڵ مەدرید دەست پێدەکەن و بە پیاوی یارییە بچووکەکان ناوی دەبەن.

 ڕیاڵ مەدرید ئەم وەرزە نۆ یاری لالیگا و سێ یاری چامپیۆنسلیگ ڕاهێنەرایەتی یانەکەی کردووە، یەکسانبوونی نییە، هەشت یاریی لالیگای بردووەتەوە و یەک یاریشی دۆڕاندووە، لە چامپیۆنسلیگ هەر سێ یارییەکەی بردووەوە.

سەرەڕای ئەوەی تەنیا یەک شکستی هەیە، بەڵام بەپێی ڕاپۆرتێکی ڕادیۆی کادینا سێری ئیسپانی، هاندەرانی ڕیاڵ مەدرید و میدیاکاران لەو ئاستی ئەو ڕاهێنەرە ڕازی نین.

ئەو میدیا ئیسپانییە بەڵگە دەهێنێتەوە و دەڵێت: ئالۆنسۆ ئەم وەرزە تەنیا بەرانبەر یانە بچووکەکان توانیوێتی باڵادەستی خۆی نیشان بدات، بردنەوەکانیشی هەمیشە بە جیاوازییەکی کەمی گۆڵ بووە، لە یارییە گرنگەکاندا ئاستی تیپەکە وەک پێویست نەبووە.

لێرەشدا کادینا سێر، نموونەی یاریی ئەتلەتیکۆ مەدرید دەهێنێتەوە کە یانەک 5-2 شکستی هێنا، لە بەرانبەر خیتافیش 1-0 بردنەوەی تۆمار کرد، لە چامپیۆنسلیش بەرانبەر مارسیلیا 2-1 بردنەوەی تۆمار کردووە  وهەردوو گۆلەکەش لێدانی سزا بووە، لە دوایین یاریش کە میوانداری یۆڤانتۆسی کرد 1-0 براوە بوو.

سەرچاوەکە دەنووسێت، کلاسیکۆی ڕۆژی یەکشەممە دەرفەتە تائەوەی لەسەر یاریگای سانتیاگۆ ئالۆنسۆ خۆی وەک ڕاهێنەرێکی گەورە بسەلمێنێت.