4 کاتژمێر پێش ئێستا
390 جار خوێنراوەتەوە
ترەمپ لە یابانە و دوو فڕۆكەی جەنگیی ئەمریكاش لە زەریای هێمن كەوتنەخوارەوە
پەیام
دۆناڵد ترەمپ لە یابانە و دوو فڕۆكەی جەنگیی ئەمریكاش لە دەریای باشووری چین كەوتنە خوارەوە.
فەرماندەی كەشتیگەلی ئەمریكا ڕایگەیاند، لە میانەی ڕاهێنانی ئاساییدا لە زەریای هێمن، هەلیكۆپتەرێك لە جۆری سی هۆك و فڕۆكەیەك لە جۆرئێف 18 كە سەر بە كەشتیی فڕۆكەهەڵگری یو ئێس ئێس نیمیتز بوون كەوتوونەتە خوارەوە.
سوپای ئەمریكا دەڵێت، فڕۆكە و هەلیكۆپتەرە جەنگییەكە لە ئاوەكانی باشووری چین لە ماوەی نیو كاتژمێردا كەوتوونەتە خوارەوە و هەڵمەتی ڕزگاركردنی فڕۆكەوان و تیمەكانیان بەڕێوە چووە و ئێستا سەلامەتن.
ڕووداوی كەوتنە خوارەوەی فڕۆكەكانی واشنتۆن، هاوكاتە لەگەڵ سەردانی دۆناڵد ترەمپ، سەرۆكی ویلایەتە یەكگرتووەكانی ئەمریكا بۆ وڵاتانی ڕۆژهەتی ئاسیا، كە ئەمە یەكەمین سەردانی لەو جۆرەیەتی لە خولی دووەمی سەرۆكایەتییەكەیدا.
ترەمپ دوای ئەوەی سەردانی مالیزیای كرد، ئەمڕۆش گەیشتە یابان و بڕیارە لەگەڵ ئیمپراتۆر و سەرۆكوەزیرانی نوێی ئەو وڵاتە كۆببێتەوە.
ترەمپ لە مالیزیا سەرپەرشتیی واژووكردنی ڕێككەوتنی ئاگربەستی كرد لەنێوان وڵاتانی تایلاند و كەمبۆدیا هەروەها چەندین ڕێككەوتن و لێكتێگەیشتنی ئابووریی واژوو كرد، بڕیارە لە یابانیش بە بەهای 550 ملیار دۆلار گرێبەستی وەبەرهێنان واژوو بكات.
لە تۆڕە کۆمەڵایەتیەکان شەیری بکە