ئەمریكا گەورەترین كەشتیی فڕۆكەهەڵگر لە نزیك ڤەنزوێلا جێگیر دەكات

پەیام 

ئەمریكا گەورەترین كەشتیی فڕۆكەهەڵگری خۆی لە نزیك سنوورەكانی ڤەنزوێلا جێگیر كرد.

لە چوارچێوەی گرژییەكانی نێوان ئەمریكا و ڤەنزوێلا، واشنتۆن كەشتیی فڕۆكەهەڵگری (یو ئێس ئێس جیراڵد ئاڕ فۆڕد) كە نوێترین و گەورەترین كەشتیی فڕۆكەهەڵگری ئەو وڵاتەیە، لە دەریای كاریبی جێگیر كرد.

پێت هێگسێت، وەزیری جەنگی ئەمریكا ئاماژەی بەوە دا ئەم هەنگاوە لە چوارچێوەی ئۆپراسیۆنی ڕمی باشووردایە و ئامانج لێی لەناوبردنی گرووپەكانی مافیایی و تیرۆریستیی ماددە هۆشبەرەكان و پاراستنی ویلایەتە یەگرتووەكانە. 

بەرپرسانی ئەمریكا نیكۆلاس مادۆرۆ، سەرۆكی ڤەنزوێلا بەوە تۆمەتبار دەكەن، كە سەرپەرشتیی گرووپەكانی ماددە هۆشبەرەكان دەكات و بەئاشكرا هاوكاریی بازرگانانی ئەو كەرتە دەكات، هەر بۆیە بە سەرۆكێكی شەرعیی نازانن و دەیانەوێت لەسەر كار لای ببەن.

لەبەرانبەردا مادۆرۆ فشارەكانی ئەمریكا ڕەتدەكاتەوە و دەڵێت ئەمە بەشێكە لە هەوڵی كودەتا و ڕاگەیاندنی جەنگ دژی وڵاتەكەی. هەروەها ئۆپراسیۆنەكانی ئەمریكا بە كردەوەی دەستدرێژیكارانە ناو دەبات.