توركیا: گفتوگۆی سووریا و هەسەدە بەهۆی هەڕەشەی ئیسڕائیلەوە ڕاگیراوە

پەیام 

وەزیری دەرەوەی توركیا ڕایدەگەیەنێت، گفتوگۆكانی هەسەدە و سوپای سووریا بەهۆی قەوارەی زایۆنییەوە ڕاگیراوە.

هاكان فیدان بە میدیای توركیای ڕاگەیاندووە، هەبوونی سوپای توركیا لە سووریا بۆ هەماهەنگی و یارمەتییە و شتێكی ئاساییە، بە ئاماژەدان بۆ لەشكركێشییەكانی قەوارەی زایۆنییش بۆ سەر بەرزاییەكانی جۆلان، ڕاشیگەیاندووە: پێویستە كۆتایی بە هەر جۆرە داگیركارییەك بۆ سەر خاكی سووریا بهێنرێت كە هەڕەشە لە یەكپارچەیی ئەو وڵاتە دەكات. 

هاكان فیدان دەڵێت: گفتوگۆی توركیا لەگەڵ ئەمریكا لەبارەی یەكخستنی هێزەكانی سووریای دیموكرات "هەسەدە" لەگەڵ سوپای سووریا بەردەوامە و ئەنقەرە پشتیوانیی یەك سوپا دەكات بۆ سووریا.

ڕاشیگەیاندووە: بەهۆی دەستێوەردان و هەڕەشە و داگیركاریی سوپای ئیسڕائیل بۆ سەر باشووری سووریا گفتوگۆی نێوان حكومەتی دیەشق و هەسەدە لەبارەی چەكدانان و یەكگرتنەوە بە شێوەیەكی كاتی ڕاگیراوە و بەم زووانە دەست پێ دەكاتەوە.