سەركردە و لایەنە عێراقییەكان داوای خێرا پێكهێنانی حكومەت دەكەن

پەیام 

حزب و لایەنە سیاسییە براوەكانی هەڵبژاردنی ئەنجومەنی نوێنەرانی عێراق دەستیان بە دانوستانەكانیان بۆ پێكهێنانی گەورەترین هاوپەیمانی كردووە و لەگەڵ ئەوەشدا داوای خێرا پێكهێنانی حكوومەت دەكەن.

نوری مالیكی سەرۆكــی هاوپەیمانی دەوڵەتی یاسا و، محەمەد حەلبووسی سەرۆكی پارتی تەقەدووم، كە براوەی سێیەم و چوارەی هەڵبژاردنەكانی عێراقن كۆبوونــەوە و داوایان كرد پەلە بكرێت لە پێكهێنانی حكوومەتی نوێی عێراق.

نووسینگەی ڕاگەیاندنی سەرۆكی هاوپەیمانی دەوڵەتی یاسا لە ڕاگەیاندراوێكدا ئاماژەی بەوەداوە هەردوولا داوایان كردووە پەلە بكرێت لە پێكهێنانی حكوومەتی نوێ لە عێراق.

نوری مالیكی، سەرۆكی هاوپەیمانی دەوڵەتی یاسا رایگەیاندووە، سەرۆكوەزیرانی داهاتووی عێراق مافی چوارچێوەی هەماهەنگییە، چونكە خاوەنی زۆرترین كورسی پەرلەمانییە.

لەگەڵ مانۆڕە سیاسییەكانی لایەنەكانی چوارچێوەی هەماهەنگی محەمەد شیاع سودانیش، دەستی كردووە بە سەردانی لایەنە سیاسییەكان.