2 کاتژمێر پێش ئێستا
118 جار خوێنراوەتەوە
رۆیتەرز: هێرشەکەى سەر كێڵگەی غازی كۆرمۆر هیچ زیانێكی نەبووە
پەیام
ئاژانسی رۆیتەرز لە زاری سەرچاوەكانییەوە لە هەرێمی كوردستان بڵاوی كردوەتەوە، بە دۆرن هێرش كراوەتە سەر كێڵگەی غازی كۆرمۆر بەڵام هیچ زیانێكی نەبووە.
لەگەڵ ئەوەشدا سەرچاوە ناوخۆییەكانی هەرێمی كوردستان رایانگەیاندووە، زەنگی ئاگادار كردنەوە لە كێڵگەی كۆرمۆر لێدراوە، بەڵام هێرش نەكراوەتە سەر كێڵگەكە.
رۆیتەرز بە پشتبەستن بە دوو سەرچاوە ئەوەی بڵاو كردوەتەوە، زەنگی ئاگادار كردنەوە لە كێڵگەكە لێدراوە و لەلایەن یەكە سەربازییەكانی ناوچەكەوە تەقە لە درۆنێك كراوە، بەڵام زیان بە كێڵگەكە نەكەوتووە و كاركردن تێیدا بەردەوامە.
هەروەها ئاژانسە هەواڵییەكە رایگەیاندووە، كارمەندانی كێڵگە غازییەكە لە دوای هێرشە درۆنییەكەوە بۆ شوێنێكی ئارام گواستراونەتەوە.
كێڵگەی غازی كۆرمۆر گەورەترین كێڵگەی غازییە لە هەرێمی كوردستان و دەكەوێتە سنووری قەزای چەمچەماڵ، كێڵگەكە نزیكەی 30 كیلۆمەتر درێژەو پانییەكەشی نزیكەی چوار كیلۆمەترە، دواین جار كە هێرشكرایە سەر كێڵگەكە 2ـی شوباتی ئەمساڵ بوو.
لە تۆڕە کۆمەڵایەتیەکان شەیری بکە