2 کاتژمێر پێش ئێستا
166 جار خوێنراوەتەوە
ئەردۆغان: سەردانی ئیمڕاڵی ڕێگەی بەردەم پڕۆسەكە دەكاتەوە
پەیام
سەرۆككۆماری توركیا لەبارەی سەردانی لیژنەكەی پەرلەمانی توركیا بۆ لای ئۆجەلان، دەڵێت "ڕێگەی بەردەم پرۆسەكە دەكاتەوە و ڕۆڵی دەبێت لە كۆتاییهێنان بە تیرۆر".
لە میانەی گەڕانەوەی لە لوتكەی جی20 لە ئەفریقای باشوورەوە بەرەو وڵاتەكەی، ڕەجەب تەیب ئەردۆغان، سەرۆككۆماری توركیا، لەناو فڕۆكەكەیدا بە ڕۆژنامەنووسانی وت: وەك هاوپەیمانیی كۆمار، لەگەڵ دەوڵەت باخچەلی كارەكانی پەیوەست بە توركیای بێ تیرۆر ئەنجام دەدەین، ئەم شێوازەش لە كاركردن وای كردووە پرۆسەكە بێ كێشە و گرفت بەڕێوەبچێت.
ئەردۆغان جەختی كردەوە، هەموو پشتیوانییەكی لیژنەی هاودەنگیی نیشتیمانی، برایەتی و دیموكراسیی پەرلەمانی توركیایان كردووە و ڕاشیگەیاند: پرۆسەكەمان لە مشتومڕی بێسوودی سیاسەتی ڕۆژانە دوور خستووەتەوە و بە ئارامی و ئازایەتی بەردەوام دەبن.
سەرۆككۆماری توركیا لەبارەی سەردانی لیژنەكەی پەرلەمان بۆ ئیمڕاڵی ڕاشیگەیاندووە: سەردانی ئیمڕاڵی ڕێگەی بەردەم پرۆسەكە دەكاتەوە و ڕۆڵی دەبێت لە كۆتاییهێنان بە تیرۆر لە توركیا.
لە تۆڕە کۆمەڵایەتیەکان شەیری بکە