ئەمریكا هاوپەیمانییەكى بۆ ڕووبەڕووبوونەوەی هەژموونی چین بەسەر زیرەكی دەستكردا پێكهێنا

پەیام

ئەمریكا پێكهێنانی هاوپەیمانییەكی نێودەوڵەتی بۆ ڕووبەڕووبوونەوەی هەژموونی چین بەسەر ژیریی دەستكردا ڕاگەیاند.

ئەمڕۆ، شەممە، ئیدارەی دۆناڵد ترەمپ سەرۆكی ئەمریكا، پێكهێنانی هاوپەیمانییەكی نێودەوڵەتی بەناوی "پاكس سیلیكا" بۆ ڕووبەڕووبونەوەی هەژموونی چین لە سەرچاوە زەمینییە دەگمەنەكان و پەرەپێدانی ژیریی دەستكرد و تەكنەلۆژیای پێشكەوتوو ڕاگەیاند.

ئامانجی هاوپەیمانییەكە بنیاتنانی زنجیرەیی دابینكردنی سەربەخۆیە كە پشت بە چین نەبەستێت، بەتایبەت لە چیپ و ماددە دەگمەنەكان كە بۆ تەكنەلۆجیا گرنگن.

ڕاگەیاندنی هاوپەیمانییەكە لە چوارچێوەی ستراتیژی فراوانتری "ئاشتی تەكنەلۆجی" لەگەڵ سەرنج لەسەر كەمكردنەوەی پشتبەستن بە چین لە پارچەی هەستیاردا دێت و هاوكاتە لەگەڵ دەستپێشخەرییەكانی ترەمپ بۆ سەربەخۆیی تەكنەلۆجی.

لە هاوپەیمانێتییەكەدا هەریەك لە یابان، كۆریای باشوور، سەنگافورە، هۆڵەندا، بەریتانیا، قەوارەی زایۆنی، ئیمارات و ئوستوڕالیا بەشداری دەكەن، ژمارەیەك كۆمپانیا و وەبەرهێنی گەورەی ئەو وڵاتانە لەخۆ دەگرن كە ڕێبەرایەتیی زنجیرەیی ژیریی دەستكرد لە جیهاندا دەكەن.

ئەمەو بەپێی هەواڵێكی پێگەی پۆلیتكۆ هەنگاوەكە لە وەڵامی كۆنتڕۆڵی چین بەسەر نیمچەدوورگەیەكدا دێت كە ماددە دەگمەنەكان لەخۆ دەگرێت و لە بوارەكانی سەربازی و مەدەنی و ژیریی دەستكرد و كۆمپیوتەردا بەكار دەهێنرێن.