بوومەلەرزەیەك بە گوڕی 7.6 پلە لە یابانی دا و ئەگەری ڕوودانی تسۆنامی هەیە

پەیام 

بوومەلەرزەیەكی بەهێز باكووری یابانی هەژاند و هۆشداری لەبارەی دروستبوونی تسۆنامی دەدرێت.

دەزگای كەشناسیی یابان ڕایگەیاند، بوومەلەرزەیەك بە گوڕی 7پۆینت 6 پلە بەپێوەی رێخەر لە كەناراوەكانی دوورگەی ئۆموری و هۆكایدۆ لە باكووری وڵاتەكە ڕووی داوە و قووڵییەكەی 53 كیلۆمەتر بووە لەژێر زەوییەوە.

كەشناسیی یابان هۆشداری ئەوەشی داوەتە هاووڵاتیانی ناوچەكە ئەگەری ڕوودانی تسۆنامی هەیە بەجۆرێك شەپۆلی ئاو تا سێ مەتر بەرز ببێتەوە.

ئاژانسی هەواڵی فەرەنسییش بڵاوی كردووەتەوە، لە كەناراوەكانی باكووری یابان تسۆنامی ڕووی داوە و دوای بوومەلەرزەكە شەپۆلی ئاو 40 سانتیممەتر بەرز بووەتەوە.

میدیاكانی یابان ئەوەشیان بڵاو كردەوە، وێستگە ئەتۆمییەكانی یابان لە ناوچەكەدا دەستیان بە پشكنینیورد كردووە بۆ ئەوەی دڵنیا ببنەوە لە سەلامەتی و نەبوونی هیچ زیانێك لە وێستگەكان لە ئەنجامی بوومەلەرزەكەدا.