2 کاتژمێر پێش ئێستا
101 جار خوێنراوەتەوە
محەمەد حەسان: مانەوە و ڕۆیشتنی یۆنامی لە عێراق لەسەر داوای خودی وڵاتەكە خۆی بووە
پەیام
نێردەی تایبەتی سكرتێری گشتییی نەتەوە یەكگرتووەكان ڕایگەیاند: مانەوەی لەسەر داوای عێراق بووە و كۆتاییهێنان بە ئەركەكانیشی هەر بە داوای خۆیان بووە.
لە چاوپێكەوتنێكی لەگەڵ كەناڵی تایبەت بە ڕێكخراوی نەتەوە یەكگرتووەكان، محەمەد حەسان نێردەی تایبەتی سكرتێری گشتییی نەتەوە یەكگرتووەكان لە عێراق ڕایگەیاند: بەرپرسانی عێراق گەیشتوونەتە ئەو بڕوایەی ئەو ئەركەی بە نێردەی یونامی سپێردراوە نزیكەی ئامانجەكانی خۆی پێكاوە، هەر بۆیە كاتی ئەوە هاتووە وەك وڵاتانی دیكە جڵەوی كاروبارەكان بگرنە دەستی خۆیان.
هەروەها جەختی لەوە كردەوە "ڕۆیشتنی نێردەكە بە واتای ئەوە نییە نەتەوە یەكگرتووەكان دەڕوات، بەڵكو ئاژانسە تایبەتمەندەكانیان لە عێراق درێژە بە كارەكانیان دەدەن".
محەمەد حەسان ئەو دەستكەوتانەشی خستە ڕوو كە نێردەی یونامی توانیویەتی بەدەستیان بهێنێت، لەوانە: پشتیوانیكردنی عێراق لە بواری ئەمنی و لەنێوبردنی داعش، هەروەها هاوكارییكردن لە ئەنجامدانی هەڵبژاردنی ئازاد و بێگەرد و برەودان بە ڕێزگرتن لە مافەكانی مرۆڤ.
قسەكانی نێردەی تایبەتی سكرتێری گشتییی نەتەوە یەكگرتووەكان لەكاتێكدایە چەند ڕۆژێك لە كاری نێردەكە ماوە و 31ی ئەم مانگە كۆتایی بە كارەكانی دێت و لە عێراق دەكشێتەوە.
لە تۆڕە کۆمەڵایەتیەکان شەیری بکە