2 کاتژمێر پێش ئێستا
35 جار خوێنراوەتەوە
بەغدا.. جارێکى دیکە شیعەكان بۆ تاوتوێکردنى پۆستى سەرۆكوەزیران كۆدەبنەوە
پەیام
دوای چەندین كۆبوونەوە هێشتا لایەنە شیعییەكانی عێراق لەسەر دیاریكردنی كاندیدێك بۆ پۆستی سەرۆكوەزیرانی عێراق ڕێنەكەوتوون و بڕیارە ئێوارەی ئەمڕۆ جارێكی دیكە بۆ هەمان پرس كۆببنەوە.
میدیا عێراقییەكان بڵاویان كردووەتەوە، ئێوارەی ئەمڕۆ جارێكی دیكە سەركردە شیعییەكان لە ماڵی مالیكی كۆ دەبنەوە و پرسی سەرەكیش قسە كردنە لەسەر پۆستی سەرۆكوەزیرانی عێراق و دیاریكردنی كاندیدێك بۆ ئەو پۆستە.
بەپێی هەواڵی میدیا عێراقییەكان سەركردە شیعییەكانی نێو چوارچێوەی هەماهەنگی دەیانەوێت پێش وادەی دانیشتنی پەرلەمان، لەسەر دیاریكردنی ناوێك وەك كاندیدی سەرۆكوەزیران ڕێبكەون و، ئەمڕۆش لە ماڵی مالیكی بە وردی لەسەر ئەو خاڵە گفتوگۆ دەكرێت.
بەپێی ئەوەی بڵاو كراوەتەوە، هێشتا لە نێو لایەنەكانی چوارچێوەی هەماهەنگی ناكۆكی قووڵ لەسەر دیاریكردنی كەسێك وەك كاندیدی سەرۆكوەزیران هەیە و، لە دۆخی ڕێكنەكەوتندا بە دەنگدان لە ناوخۆیاندا كەسێك بۆ پۆستە باڵاكەی عێراق هەڵدەبژێرن.
لە تۆڕە کۆمەڵایەتیەکان شەیری بکە