سەیدسادق.. دواى 12 ساڵ لە خۆپیشاندان و شەهیدكردنی بڕیار حەسەن، بەڵێنەکان نەبوون بە کردار

پەیام 

12 ساڵ بەسەر خۆپیشاندانەكانی ساڵی 2014 ی قەزای سەیدسادق و شەهیدكردنی بڕیارحەسەندا تێپەڕ دەبێت.

 بەشێك لە چالاكوانانی سەیدسادق چوونە سەر گۆڕی شەهید بڕیار حەسەن كە لە میانی خۆپیشاندان و ناڕەزایەتییەكاندا پێكرا، ئەو یادەیان بەرز ڕاگرت و لە كۆنگرەیەكی ڕۆژنامەوانییدا ڕایانگەیاند: دوای 12 ساڵ بەڵێنەكانی دەسەڵات بۆ ئاوەدانكردنەوەی  سەیدسادق تەنیا قسە و مەرەكەبی سەر كاغەز بوون و دۆخی سەیدسادق خراپتر بووە. 

ئەوان ڕاشیانگەیاند: لەدوای تێپەڕبوونی 12 ساڵ هێشتا بكوژانی بڕیار حەسەن سزای یاسای نەدراون و ئازادانە دەسوڕێنەوە، حزب و حكومەتیش هەتا دێت سزای سیاسی و ئیداریی سەیدسادق توندتر دەكەن.

بەشداربووانی یادەكە هۆشدارییش دەدەن كە بێدەنگی و پەراوێزخستن تەنها تووڕەیی زیاتر دەكات.