ئێران: به‌ توندی وه‌ڵامی هه‌ر هێرشێك ده‌ده‌ینه‌وه‌

بۆ هه‌فته‌ی دووه‌م له‌سه‌ر یه‌ك خۆپیشاندانه‌كانی‌ ئێران به‌رده‌وامن و به‌رپرسێكی‌ باڵای‌ ئه‌و وڵاته‌ش هه‌ڕه‌شه‌ی‌ وه‌ڵامدانه‌وه‌ی‌ قورسی‌ هه‌ر هێرشێك بۆسه‌ر ئێران ده‌كاته‌وه‌.

ماوه‌ی دوو هه‌فته‌یه‌ خۆپیشاندانه‌كانی‌ رۆژاوای‌ ئێران به‌رده‌وامن و به‌پێی‌ دواین ئاماره‌كان حه‌وت كه‌س كوژراون و پێكدادانی‌ نێوان هێزه‌ ئه‌منییه‌كان و خۆپیشانده‌رانیش به‌رده‌وامن.

به‌رپرسێكی‌ باڵای‌ ئه‌و وڵاته‌ش هه‌ڕه‌شه‌ی‌ وه‌ڵامدانه‌وه‌ی‌ هه‌ر هێرشێك بۆسه‌ر ئێران ده‌داته‌وه‌ گه‌ر له‌لایه‌ن ئه‌مریكا و قه‌واره‌ی‌ زایۆنییه‌وه‌ ئه‌نجام بدرێت.

به‌رپرسه‌ ئێرانییه‌كه‌ به‌ میدیای‌ وڵاته‌كه‌ی‌ وتووه‌، ئێران ئاماده‌كاری كردووه‌ بۆ هه‌ر هێرشێك كه‌ له‌ لایه‌ن ئه‌مریكا و قه‌واره‌ی‌ زایۆنییه‌وه‌ ئه‌نجام بدرێت و به‌ توندی و یه‌كلاكه‌ره‌وه‌ وه‌ڵام ده‌داته‌وه‌.

هاوكات ئه‌مڕۆ دۆناڵد تره‌مپ سه‌رۆكی‌ ئه‌مریكا رایگه‌یاند، چاودێریی‌ ڕه‌وشی‌ ئێران ده‌كات و گه‌ر خۆپیشانده‌ران بكوژرێن، ده‌ستوه‌ردانی‌ توند ده‌كه‌ن.