به‌مه‌رج؛ داشكاندن له‌ نرخی پاره‌ی كاره‌بادا كرا

په‌یام
ئەمڕۆ سێشەمە 10ی شوبات مەسروور بارزانی سەرۆكی حكوومەتی ماوه‌به‌سه‌رچووی هەرێمی كوردستان، له‌ كۆنفرانسێكدا بەئامادەبوونی وەزیری کارەبا و ژمارەیەكی زۆر لە بەرپرسانی عێراق و حکومەتی هەرێم و وەبەرهێنەران و خاوەنكارانی كوردستان و عێراق، ڕێوڕەسمی ڕاگەیاندنی پڕۆژەی ئی پسوولە E-Psule بەڕێوەچوو.
لە میانی وتەكانیدا سەرۆكی حكومەت رایگەیاندا ئەم خزمەتگوزاییە بۆ ئاسانكاری هاوڵاتیانە و هەر هاوڵاتییەك لە ئەمڕۆوە تا 30 رۆژی تر لە رێگەی E-Psule پارەبدات بەڕێژەی 20% داشكاندنی بۆ دەكرێت.
خزمەتگوزاری E-Psule بریتییە لەوەی هاوڵاتی لەمەودوا دەتوانێت پارەی کارەبا بە شێوەی ئۆنڵاین بدات بەبێ هیچ زیادکردنێک و رسوماتێك و خزمەتگوزاییەكه‌ ئۆنلاینە و 24 کاتژمێر کراوەیه‌، بەکارهێنەر ئارەزوومەندە پێش وادەی هاتنەوەی پارەی کارەبا دەتوانێت پارەکە بدات.
واتە هاوڵاتی لە ڕێگای کارتی بانکی یان هەبوونی هەژماری دیجیتاڵی بانکی FIB و جیهان، لەگەڵ هەریەک لە فاست پەی و ئاسیا پەی و ناس واڵێت پارەی كارەبا بدات.