2 کاتژمێر پێش ئێستا
108 جار خوێنراوەتەوە
ئهمڕۆ دهست به دابهشكردنی مووچه دهكرێت
وەزارەتی دارایی حکومەتی ماوەبەسەرچووی هەرێم خشتەی دابەشکردنی مووچەی بڵاو کردەوە، بڕیارە ئەمڕۆ دەست بە دابەشکردنی بکرێت و لە ماوەی چوار ڕۆژدا کۆتایی دێت.
بەپێی ڕاگەیەندراوێکی فەرمی وەزارەتی دارایی، ئەمڕۆ دەست بە دابەشکردنی مووچەی مانگی کانوونی دووەمی فەرمانبەران و مووچەخۆرانی هەرێم دەکرێت، ڕۆژانی پێنجشەممە و ڕۆژی شەممە بەردەوام دەبێت.
وەزارەتی دارایی ئاگاداری ئەوەشی داوە کە بەهۆی ئەوەی وەرگرتنی پارەی کاش لە لقی هەولێری بانکی ناوەندی عێراق و گواستنەوەی بۆ بانکەکانی دیکەی پارێزگاکان و ئیدارە سەربەخۆکان کات دەخایەنێت، داوای لە مووچەخۆران کردووە ئەمڕۆ لە دوای کاتژمێر (یەک)ی نیوەڕۆی سەردانی بانکەکان بکەن بۆ وەرگرتنی مووچە .
دوو ڕۆژ لەمەوبەر، ئەحمەد حاجى ڕەشید، سەرۆکى فراکسیۆنى کۆمەڵى دادگەرى لە ئەنجوومەنى نوێنەرانى عێراق، بۆ بەدواداچوونى کێشەى مووچە و دواکەوتنى، سەردانى وەزارەتى دارایى عێراقى کرد. تەیف سامى، وەزیرى دارایى عێراق، پێى ڕاگەیاندبوو ئەگەر حکومەتى هەرێم پابەندییەکانى خۆى لە کاتى خۆیدا جێبەجىَ بکات، مووچەى مانگەکانى داهاتوو بەبىَ کێشە لە کاتى خۆیدا بۆ مووچەخۆرانى هەرێم خەرج دەکرێت.
لە تۆڕە کۆمەڵایەتیەکان شەیری بکە