سەرۆككۆماری ئێران: دوژمنان ڕێگەكانی ڕێككەوتنیان لە بەردەمماندا داخستووە

پەیام 

سەرۆكی ئێران سەبارەت بە ئاڵۆزییەكانی ئەمدواییەی وڵاتەكەی پەنجەی تۆمەتی بۆ سەرۆكی ئەمریكا و سەرۆكوەزیرانی قەوارەی زایۆنی درێژ كرد و ڕایشیگەیاند: دوژمنانی وڵات هەمو‌و ڕێگەكانیان لە بەردەمماندا داخستو‌وە.

بەپێی هەواڵێكی ئاژانسی "تەسنیم"، مەسعو‌ود پزیشكیان، سەرۆككۆماری ئێران، لە كۆبو‌ونەوەیەكدا لەگەڵ دەستەبژێر و چالاكانی پارێزگای گوڵستان و بە ئاماژەدان بە سەرۆكی ئەمریكا و سەرۆكوەزیرانی قەوارەی زایۆنی ڕایگەیاند: دوژمنانی وڵات هەمو‌و ڕێگەكانیان داخستو‌وە و ڕێگری لە ئەنجامدانی ڕێككەوتنەكانیش دەكەن.

لەم هەڵوێستەیدا پزیشكیان بەرگری لە گەنجانی ناڕازی كرد و وتی: ئەو گەنجانەی ناڕەزایەتی دەردەبڕن بەرپرسیار نین لەوەی ڕو‌ویداوە، بەڵكو كەمتەرخەمییەكە لە ئەستۆی بەرپرسانە كە نەیانتوانیوە پەروەردەیەكی گونجاو و دەرفەتی كار بۆ گەنجان بڕەخسێنن.

سەرۆكی ئێران ئاماژەی بەوەش كرد كە "دوژمنان و زایۆنیستەكان" بۆ قو‌وڵكردنەوەی كێشەكان سو‌ودیان لە ڕو‌وداوەكان وەرگرتو‌وە.

سەرۆككۆماری ئێران داوای لە هاو‌وڵاتیان كرد كار بۆ ساڕێژكردنی "برینەكان" بكەن و جەختی كردەوە كە پێویستە لەبری بەردەوامبو‌ون لە ململانێ، سەیری ئاییندە بكرێت و ئاشتەوایی نیشتمانی بێتە كایەوە.