6 کاتژمێر پێش ئێستا
560 جار خوێنراوەتەوە
ئەمریكا: هێزەکانمان لە كاتی ڕزگاركردنی فڕۆكەوانەکە لە ئێران تووشی پێكدادان بوون
پەیام
تۆڕی "سی بی ئێس" لە زاری بەرپرسانی ئەمریكاوە بڵاوی كردەوە "هێزە تایبەتەكانی وڵاتەكەی لە كاتی ڕزگاركردنی فڕۆكەوانە بێسەروشوێنەكەدا تووشی پێكدادانی ڕاستەوخۆ بوون لەگەڵ سەربازانی ئێرانی، بەڵام سەرجەم هێزەكان بە سەلامەتی كایەی ئاسمانی ئێرانیان جێ هێشتووە".
لای خۆیەوە، ڕۆژنامەی "نیویۆرك تایمز" لە زاری بەرپرسانی سەربازییەوە ڕایگەیاندووە كە دوو فڕۆكەی گواستنەوەی ئەمریكی لە نێو بنكەیەكی دوورەدەست لە نێو ئێراندا پەكیان كەوتووە و فەرماندەیی ئەمریكا فەرمانی داوە هەر لەوێ بتەقێنرێنەوە تاوەكو نەكەونە دەست سوپای پاسداران.
هاوكات بەرپرسێكی سەربازیی ئەمریكی ئەم ئۆپڕاسیۆنەی بە یەكێك لە "ئاڵۆزترین" ئۆپڕاسیۆنەكان لە مێژووی هێزە تایبەتەكاندا وەسفكرد. بەپێی زانیارییە ڕاگەیەنراوەكانیش واشنتۆن پێش ئۆپڕاسیۆنەكە و بە مەبەستی سەرقاڵكردنی ئێران كۆمەڵێك بانگەشەی چەواشەكاریی لە بارەی فڕۆكەوانەكەوە بڵاو كردووەتەوە.
لەلایەكی دیكەشەوە، بەپێی سەرچاوە تەندروستییەكان لە ئەنجامی بۆردومانێكی ئەمریكا و ئیسرائیل بۆ سەر پارێزگای "كوهگیلویە و بویر ئەحمەد" لە باشووری ئێران كە گومان دەكرێت هەر ئەو ناوچەیە بێت كە ئۆپڕاسیۆنی ڕزگاركردنی فڕۆكەوانەكەی تێدا ئەنجام دراوە، نۆ كەس كوژراون و هەشتی دیكەش بریندار بوون.
لە تۆڕە کۆمەڵایەتیەکان شەیری بکە