مامۆستا عەلی باپیر، پرسەنامە ئاراستەی کۆماری ئیسلامی ئێران دەکات

پەیام 

مامۆستا عەلی باپیر، سەرۆكی كۆمەڵی دادگەریی كوردستان بە یاوەری شاندێكی باڵای كۆمەڵ سەردانی كونسوڵخانەی كۆماری ئیسلامی ئێرانی لە هەولێر كرد و لەلایەن سەركونسوڵی ئەو وڵاتە و بەرپرسانی باڵیۆزخانەكەوە پێشوازی كران.

مامۆستا عەلی باپیر سەرەخۆشیی ئاڕاستەی ئێران كرد و لە لە پەیامێكیشیدا ئاماژەی بەوەكرد، "ئەوانەی چاویان لە ستەم و دەستدرێژی و خۆسەپاندنە بەدڵنیایی سەرئەنجامی دونیا و قیامەتیان پەشیمانییە".

 ئەمەش دەقى پرسەنامەکەیە:-

 خەڵکی مسوڵمانی ئێران بەگشتی و بەرپرسانی کۆماری ئیسلامی بەتایبەت! بە بۆنەی بەناحەق کوژرانی بەڕێز عەلی خامەنەئی ڕابەری کۆماری ئیسلامییەوە لەلایەن هێزەکانی ئەمریکا و زایۆنییەوە، سەرەخۆشیتان لێ دەکەین و لە خوای میهرەبان داواکارین لێی خۆش بێت و بە بەهەشتی شاد بکات و سێبووری و ئارامیش بەسەر دڵ و دەروونی هەموو لایەکتاندا بڕێژێت.

بێگومان لەدەستدانی ئەو کەسایەتییە لەم هەلومەرجەدا کەلێنێکی گەورەی دروست کردووە، چونکە ئەو جۆرە کەسانە کلیلی چارەسەر و گەیشتنن بە دەستەبەری ئاشتی و ئارامی، بەڵام هیوادارم بە هەوڵ و هیمەتی هەموو لایەکتان ئەو کەلێنە بەزوویی پڕ بکەنەوە، ئەوانەش کە چاویان لە ستەم و دەستدرێژی و خۆسەپاندنە بەدڵنیایی سەرئەنجامی دونیا و قیامەتیان پەشیمانییە.

﴿وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ﴾ الشعراء: ٢٢٧

عەلی باپیر
سەرۆکی کۆمەڵی دادگەریی کوردستان/عێڕاق
٢ـی ئازار ٢٠٢٦ز
١٣ـی رەمەزان ١٤٤٧ک