نه‌ته‌نیاهوو: به‌ ته‌نیا كێڵگه‌ی پارسی ئێرانمان به‌ ئامانجگرتووه‌

په‌یام

بنیامین نەتەنیاهوو سەرۆک وەزیرانی قەوارەى زایۆنى ڕایگەیاند: وڵاتەکەی بە تەنیا ‏هێرشی کردووەتە سەر کێڵگەی پارسی ئێران. ئاماژەی بەوە کرد، تواناکانی ‏مووشەکی و ئەتۆمیی تاران لە ماوەی ٢٠ ڕۆژدا بەرەو داڕمان دەچن. 
نەتەنیاهوو ‏جەختیشی کردەوە، ئۆپەراسیۆنە سەربازییەکانیان بە مەبەستی لەناوبردنی توانای ‏بەرهەمهێنانی مووشەک و پیتاندنی یۆرانیۆم بەردەوامە. 
قەوارەى زایۆنى لەم جەنگەدا سێ ئامانجی سەرەکی هەیە، کە لەناوبردنی مووشەکەکان، ‏کۆتاییهێنان بە پڕۆژەی ئەتۆمی و ڕەخساندنی زەمینە بۆ گەلی ئێران تا ‏ڕژێمەکەیان بڕووخێنن. 
نەتەنیاهوو ئاشکراشی کرد، فەرمانی بە سوپا و مۆساد داوە ‏بۆ بە ئامانجگرتنی بەرپرسانی تاران لە هەر شوێنێک بن، وتیشی ئیسرائیل لە ‏ئاسمان، دەریا و ژێر زەوییەوە هێرش دەکاتە سەر سەرکردایەتییەکان و ژێرخانە ‏پیشەسازییەکان. 
لە کۆتاییدا، نەتەنیاهوو باسی لە تێکشکاندنی کەشتیگەلی ئێران لە دەریای قەزوین ‏کرد و ڕایگەیاند: ئیسرائیل بووەتە زلهێزێکی هەرێمی. ئەو پێشی وایە ئێران هەزاران ‏مووشەکی لەدەستداوە و جەنگەکە زۆر خێراتر لەوەی چاوەڕوان دەکرێت کۆتایی ‏دێت. ‏