1 کاتژمێر پێش ئێستا
170 جار خوێنراوەتەوە
میدیاكانی ئەمریكا: لە بۆردومانێكی ئێران 12سەربازی ئەمریكی لە سعودیە برینداربوون
پەیام
میدیاكانی ئەمریكا ئاشكرایانكرد لە بۆردومانێكی ئێران بۆسەر بنكەیەكی سەربازی ئەمریكی لە سعودیە ژمارەیەك سەرباز برینداربوون.
تۆڕی سی بی ئێس نیوز بڵاویكردەوە: لەو هێرشە مووشەكی و درۆنیەی ئێران دوێنێ هەینی بۆ سەر بنكەی ئاسمانی ئەمیر سوڵتان لە سعودیە ئەنجامیدا 12 سەربازی ئەمریكی برینداربوون كە دووانیان لەدۆخێكی مەترسیداردان.
ڕۆژنامەكانی نیویۆرك تایمز و وۆڵ ستریت جورناڵ بڵاویانكردەوە: ئەو هێرشەی ئێران بۆ سەر بنكەی ئاسمانی ئەمیر سوڵتان لە سعودیە لە ڕێگەی مووشەكێك و چەند درۆنێكەوە ئەنجام دراوە لەو كاتەی سەربازەكان لەناو بنكەدا بوون و بەو هۆیەوە ژمارەیەك فڕۆكەی سووتەمەنی سەر بە سوپای ئەمریكا زیانیان بەركەوتووە.
ئەوە لەكاتێكدایە تائێستا بەهۆی جەنگی ئێرانەوە 13 سەربازی ئەمریكی كوژراون و زیاتر لە 310 سەربازی تر برینداربوون لەو هێرشە مووشەكی و درۆنیانەی تاران بۆ سەر بنكە سەربازییەكانی ئەمریكا لەناوچەكە ئەنجامی دەدات.
لە تۆڕە کۆمەڵایەتیەکان شەیری بکە