2 کاتژمێر پێش ئێستا
61 جار خوێنراوەتەوە
ئەمریكا سێیەم كەشتی جەنگی فڕۆكەهەڵگری ڕەوانەی ڕۆژهەڵاتی ناوەڕاست كرد
پەیام
ئەمریكا جموجوڵە سەربازییەكانی لە ڕۆژهەڵاتی ناوەڕاست زیاد دەكات و كەشتیەكی دیكەی جەنگی ڕەوانەی ناوچەكە دەكات.
میدیاكانی ئەمریكا لەزاری چەند سەرچاوەیەكەوە بڵاویانكردەوە واشنتۆن سێیەم كەشتی جەنگی فڕۆكەهەڵگری ڕەوانەی ڕۆژهەڵاتی ناوەڕاست كردووە بۆئەوەی بچێتە پاڵ ئەو كەشتی و هێزانەی بەشدارن لە جەنگی دژی ئێران.
بەپێی ئەو خشتەیەی بۆ بڵاوكردنەوەی هێزە سەربازییەكانی ئەمریكا دیاری كراوە، كەشتی جەنگی فڕۆكەهەڵگری یوئێس ئێس جۆرج ئێچ دەبلیو بوش بەندەری نۆرفولكی لە ویلایەتی ڤێرجینیا بەجێهێشتووە و بەرەو ڕۆژهەڵاتی ناوەڕاست بەڕێكەوتووە.
بەناردرنی ئەو كەشتیە جەنگیە فرۆكە هەڵگرە ئەمریكیە بۆ ڕۆژهەڵاتی ناوەڕاست ژمارەی كەشتیە جەنگیە فڕۆكەهەڵگرەكانی ئەمریكا كە بەشدارن لە جەنگی دژی ئێران بەرزدەبێتەوە بۆ سێ كەشتی جەنگی، لەئێستادا هەردوو كەشتی جەنگی فڕۆكەهەڵگری جیراڵد فۆرد و ئەبراهام لینكۆڵن لەناوچەكەدا جێگیرن.
لە تۆڕە کۆمەڵایەتیەکان شەیری بکە