11/04/2026
273 جار خوێنراوەتەوە
ئیسرائیل گفتوگۆكردن لەسەر ئاگربەست لەگەڵ حـ.زبـ.وڵـ.ڵا ڕەتدەكاتەوە
پەیام
سێشەممە بەرپرسانی ئیسرائیل و لوبنان لە واشنتۆن كۆ دەبنەوە، قەوارەی ئیسرائیل گفتوگۆكردن لەسەر ئاگربەست لەگەڵ حیزبوڵڵا ڕەتدەكاتەوە.
ئەمریكا نێوەندگیری كردووە بۆ كۆبونەوەی لوبنان و قەوارەی ئیسرائیل بۆ تاوتوێكردنی ئاگربەست و بڕیار درا باڵیۆزی ئەو دوو وڵاتە لە واشنتۆن ڕۆژی سێشەممەی داهاتوو لە بینای وەزارەتی دەرەوەی ئەمریكا كۆ ببنەوە.
بڕیارە لەو كۆبونەوەیەدا گفتوگۆ لەسەر میكانیزمی ڕاگەیاندنی ئاگربەست و دیاریكردنی وادەیەك بۆ دانوستانی نێوان لوبنان و ئیسرائیل بە چاودێری ئەمریكا بكرێت.
لای خۆیەوە، یەحیئیل لیتر باڵیۆزی ئیسرائیل لە واشنتۆن لە پەیوەندییەكی تەلەفونیدا لەگەڵ نەدا حەمادە باڵیۆزی لوبنان لە واشنتۆن، ڕایگەیاند: ئیسرائیل ڕەزامەندی داوە لەسەر دەستپێكردنی دانوستانی ئاشتی فەرمی لەگەڵ حكومەتی لوبنان كە پەیوەندی دیبلۆماسیان نییە، بەڵام ڕەتی دەكاتەوە گفتوگۆ لەگەڵ هەر ئاگربەستێك لەگەڵ حیزبوڵادا بكات.
لە تۆڕە کۆمەڵایەتیەکان شەیری بکە