عەباس عەراقچى: بۆ ئاسایى کردنەوەى پەیوەندییەکانمان لەگەڵ وڵاتانى کەنداودا ئامادەین

پەیام:

عەباس عێراقچی، وەزیری دەرەوەی ئێران ڕایگەیاند، سەرەڕاى ئەوەى خاکى  وڵاتانى کەنداو بۆ هێرشکردنە سەر وڵاتەکەمان بەکارهێنراوە، بەڵام بۆ ئاسایکردنەوە و پەرەپێدانی پەیوەندییەكانمان لەگەڵیان ئامادەین.

عەباس عێراقچی جەختی كردەوە كە تاران سەرجەم تواناكانی خۆی بۆ ڕووبەڕووبوونەوەی هەر هەڕەشەیەك پاراستووە.

وەزیری دەرەوەی ئێران ئاماژەی ‏بەوەش كرد كە تاران و ڕیاز سوورن لەسەر پەرەپێدانی پەیوەندییەكانیان و هەماهەنگیی بەردەوامیان لە ڕێگەی گفتوگۆوە لەگەڵ فەیسەڵ ‏بن فەرحان هەیە.

سەبارەت بە ئیمارات، عێراقچی ڕایگەیاند، پەیوەندییەكانی ئەبوو زەبی لەگەڵ ئیسرائیل هۆكاری گرژییەكانی ناوچەكەیە.

باسی لەوەش ‏كرد كە بەڵگەیان هەیە ئیمارات خاك و ئاسمانی خۆی بۆ ئەمەریكا و ئیسرائیل لە دژی ئێران بەكارهێناوە.

سەرەڕای ئەوەش، ئارەزووی ‏تارانی بۆ بنیاتنانەوەی متمانە و گەڕانەوەی پەیوەندییەكان بۆ پێش جەنگ نیشان دا.

لەبارەی ناوخۆوە، عێراقچی ئاشكرای كرد، كە موجتەبا خامنەیی ئێستا سەركردایەتیی وڵات دەكات و كۆدەنگییەكی نیشتمانی لەسەرە.

لە ‏كۆتاییدا داوای لە واشنتۆن كرد ئێران وەك دەوڵەتێكی بەهێز بناسن و پەیوەندییەكانیان لەسەر بنەمای نوێ و ڕەچاوكردنی ‏گۆڕانكارییەكان ڕێكبخەنەوە.